ဒီရောဂါပိုးဟာ မက္ကဆီကန် နိုင်ငံမှ စတင်ပျံ့နှံ့ခဲ့ပြီး အခုအခါ နိုင်ငံ တော်တော် များများကို ပျံ့နှံ့နေပြီ ဖြစ်ပါတယ်။ နိုင်ငံတကာ ကူးလူးဆက်ဆံမှုများတဲ့ စင်္ကာပူနိုင်ငံဟာလဲ ဒီပိုးရဲ့ ကူးစက်ခြင်းကို ဒီလဆန်းမှာ စတင် ခံစားခဲ့ရပြီး ယခုအခါမှာတော့ ရောဂါကူးစက်သူဦးရေ ၆၂၉ ဦး ရှိနေပြီ ဖြစ်ပါတယ်။ စတင်ကူးစက်သူတွေကတော့ နိုင်ငံခြားမှ ပြန်ရောက်လာသူတွေ၊ နိုင်ငံခြားသားတွေ ဖြစ်ခဲ့ပေမဲ့ ယခုအခါမှာတော့ နိုင်ငံတွင်း ကူးစက်မှုက ပိုများလာခဲ့ပါတယ်။ စင်္ကာပူ အစိုးရအနေနဲ့ ရောဂါပိုးကို ခုခံနိုင်ဖို့ ကြိုတင်ပြင်ဆင်မှုတွေ အများကြီး လုပ်ဆောင်ခဲ့ပါတယ်။ ဒါပေမဲ့ ဒီပိုး ကူးစက်ခံရပြီး လူတိုင်းဟာ အပူချိန် တက်ခြင်းမရှိတာကြောင့် ချန်ဂီ လေဆိပ်မှာ အသုံးပြုနေတဲ့ အပူချိန်တိုင်း ကိရိယာတွေဟာ နိုင်ငံတွင်း ရောဂါ မရောက်ရှိလာအောင် ကူညီနိုင်ခြင်း မရှိခဲ့ပါဘူး။ တချို့ အပူချိန်တက်နေသူတွေဟာလဲ အပူကျဆေးကို လေယာဉ်ပေါ်မှာ သောက်ပြီး အပူကျဆင်းအောင် ကြိုးစားကြပါတယ်။ H1N1 ဖလူးဟာ သာမာန် ဖလူးတွေနဲ့ ရောဂါလက္ခဏာ ကွဲပြားမှု မရှိတာကြောင့် ကူးစက်ခံရသူ လူအများစုဟာ သာမာန်အဖျားအဖြစ်ပဲ တွေးထင် တတ်ကြပါတယ်။ သို့ဖြစ်ရာ အဖျားလက္ခဏာ ရှိသော်လည်း လူစည်းကားရာ အရပ်များကို သွားခြင်း၊ အများ ပြည်သူသုံး ကား၊ရထားများကို စီးနင်းခြင်းတို့ကို ပြုခဲ့ကြပါတယ်။ ထိုမှတဆင့် နိုင်ငံတွင်း ပျံ့နှံ့မှုက တရှိန်ထိုး တိုးတက်လာခဲ့ပါတယ်။
လေဆိပ်တွင် အပူချိန်တိုင်း ကိရိယာများ တပ်ဆင် စစ်ဆေးခြင်းမှာ အဟန့်သဘောမျှသာ ဖြစ်ပြီး နိုင်ငံတွင်းသို့ ရောဂါ မသယ်ဆောင်လာနိုင်ရန် ကာကွယ်နိုင်ခြင်း မရှိပါ။နိုင်ငံသားတိုင်းမှ တာဝန်သိသိဖြင့် ၀ိုင်းဝန်းထိန်းသိမ်း ကြမှသာလျှင် ဖလူး မပျံ့နှံ့စေရန် ထိန်းသိမ်းနိုင်မည် ဖြစ်ပါသည်။ မိမိတွင် အဖျားဝင်လာသည်ဟု သံသယ ရှိပါက လူစည်ကားရာ အရပ်များကို ရှောင်ရှားခြင်း၊ မဖြစ်မနေ အပြင်ထွက်ရမည်ဆိုပါက အများပြည်သူသုံး ယာဉ်များကို အသုံးပြုမည့်အစား taxi (သို့) ကိုယ်ပိုင်ယာဉ်များဖြင့် သွားလာခြင်း၊ Mask များ ၀တ်ဆင်ခြင်း စသည်ဖြင့် နိုင်ငံသားတိုင်းက မိမိ နိုင်သည့်ဘက်မှ ၀ိုင်းဝန်းထိန်းသိမ်းကြရမည် ဖြစ်သည်။
H1N1 ဖလူးမှာ ကူးစက်မှု မြန်သော်လည်း သေဆုံးမှု ရာခိုင်နှုန်းမှာ မမြင့်မားလှချေ။ သို့ဖြစ်ရာ အလွန်အမင်း ကြောက်ရွံ့စရာ မရှိသေးဟု ဆိုနိုင်သည်။ အချို့လူများက ဆေးကုမ္ပဏီများနှင့် တာဝန်ရှိသူ အချို့ ပူးပေါင်း ကစားသည့် ဆေးရောင်းပွဲလားဟုလည်း သံသယရှိနေကြသည်။ သို့သော် သူ၏ ကူးစက်မှုမှာ ကြောက်စရာ ကောင်းလောက်အောင် လျင်မြန်သည် ဖြစ်ရာ မိမိ၏ ကျန်းမာရေးအတွက် မိမိ အသိဖြင့် ထိန်းသိမ်းကြရမည် ဖြစ်သည်။ နိုင်ငံတကာသို့ သွားရောက်ရန် ရှိပါက မိမိ သွားမည့်နိုင်ငံသည် ရောဂါကူးစက်ခံရခြင်း ရှိ၊မရှိ ကြိုတင် လေ့လာသင့်သည်။ ထိုနိုင်ငံတွင် ရှိနေစဉ် နေမကောင်းဖြစ်လာပါကလည်း မြန်မာနိုင်ငံသို့ ချက်ချင်း ပြန်လာမည့်အစား ဆေးကုသမှု ခံယူပြီးမှ ပြန်လာသင့်သည်။ အခြေအနေအရ ပြန်လာရမည်ဆိုပါကလည်း လူစည်ကားရာဒေသများကို ရှောင်ရှားခြင်းဖြင့် မြန်မာနိုင်ငံ၏ ကျန်းမာရေးကို ၀ိုင်းဝန်းစောင့်ရှောက်သင့်ပါသည်။
