စင်္ကာပူ ၀န်ကြီးဟောင်း၊ လက်ရှိ စီနီယာဝန်ကြီးအဖြစ် တာဝန်ထမ်းဆောင်နေသူ မစ္စတာ ဂိုချောက်တောင် သည် လာမည့် တနင်္လာနေ့တွင် မြန်မာနိုင်ငံသို့ အလည်အပတ်သွားမည် ဖြစ်ကြောင်း စင်္ကာပူ StraitsTimes သတင်းစာတွင် ဖော်ပြထားသည်။ လေးရက်တာ ခရီးစဉ်အတွင်း နိုင်ငံ အကြီးအကဲခေါင်းဆောင် ဖြစ်သှောဗိုလ်ချုပ်မှူးကြီး သန်းရွှေနှင့်တွေ့ဆုံရန် စီစဉ်ထားကြောင်း၊ နေပြည်တော်၊ တောင်ကြီး နှင့် မန္တလေးမြို့များသို့ သွားရောက်လည်ပတ်ရန်လည်း စီစဉ်ထားကြောင်း အထက်ပါ သတင်းစာက ဆိုသည်။ ရန်ကုန်မြို့နယ် အနီးရှိ ကရင်ချောင်းရွာတွင် ဆေးရုံအသစ် ဖွင့်ပေးရန်လည်း တက်ရောက်မည် ဖြစ်ကြောင်း၊ အဆိုပါ ဆေးရုံမှာ စင်္ကာပူ အကူအညီဖြင့် နာဂစ် ဒုက္ခသည်များအတွက် ရည်ရွယ် ဆောက်လုပ်ခဲ့ခြင်း ဖြစ်ကြောင်း သိရသည်။
စင်္ကာပူနိုင်ငံ ၁၂ ယောက်မြောက် H1N1ကူးခတ်ခံရသူ လူငယ်သည် အများပြည်သူသုံး ရထားကိုစီးနင်းခဲ့သည်။ အဆိုပါ လူငယ်သည် သြစတြေးလျနိုင်ငံ မယ်လ်ဘုန်းမှ စင်္ကာပူနိုင်ငံသို့ တနင်္လာနေ့တွင် ပြန်လာခဲ့ခြင်း ဖြစ်သည်။ အနည်းငယ် နေမကောင်းဖြစ်နေသော ထိုလူငယ်သည် မိသားစုကို အဖျားမကူးစေရန်အတွက် သူငယ်ချင်းအား ချန်ဂီလေဆိပ်သို့ လာရောက် ကြိုစေပြီး ဟိုတယ်တွင် သွားရောက်တည်းခိုခဲ့သည်။ ထို့နောက် အင်္ဂါနေ့မနက်တွင် တက်စ်စီ ဖြင့် ဆေးခန်းသို့ သွားရောက်ခဲ့ပြီး ဟိုတယ်မှတဆင့် အမရှိရာ နေအိမ်သို့ သွားရောက်နေထိုင်ခဲ့သည်။ ဗုဒ္ဒဟူးနေ့တွင်မူ အမနေအိမ်မှ ဆေးခန်းသို့ သွားရန် အများပြည်သူသုံး ရထားကို စီးနင်းခဲ့သည်။ ထို့နောက် ကြာသပတေးနေ့တွင်မူ အဖျားပြင်းထန်လာသော ထိုသူငယ်ကို ဆေးရုံသို့ ပို့ဆောင်ခဲ့ရသည်။ ထိုမှတဆင့် H1N1 ရောဂါသည်များအတွက် သီးသန့်ဖွင့်လှစ်ထားသော ကူးစက်ဆောင်သို့ ပို့ခဲ့ရသည်။
No comments:
Post a Comment