New Zealand သို့ အလည်တခေါက် (၄)

New Zealand သို့ အလည်တခေါက် (၁)
New Zealand သို့ အလည်တခေါက် (၂)
New Zealand သို့ အလည်တခေါက် (၃)
ကွန်ဖရင့်ရဲ့ စတုတ္ထနေ့......... ကိုယ်တို့တွေကို Skyline Gondola စားသောက်ဆိုင် ကွန်ဖရင့် ညစာနဲ့ တည်ခင်း ဧည့်ခံတယ်။

မြန်မာ လူမျိုးတွေ အပျင်းထူသလား။

မြန်မာလူမျိုးတွေက ဇာတိမာန် သိပ်ကြီးကြတယ်လို့ ဝေဖန်သံတွေ ကြားခဲ့ဖူးပါတယ်။ ဒါပေမဲ့ အခု ကိုယ်တိုင် တွေ့ကြုံနေရတာတော့ မြန်မာလူမျိုးတွေ (အချို့ အချို့သော ဒါပေမဲ့ ရာခိုင်နှုန်း တော်တော်များများ)က မြန်မာ တွေ အပျင်းထူတယ်၊ပေါ့ပေါ့နေ ပေါ့ပေါ့စားတယ်.. ဒါကိုပဲ တချိန်လုံး ပြောနေတတ်ကြတယ်။ တကယ်တော့ မြန်မာ လူမျိုးတွေက ပျင်းတယ်လို့ ကိုယ်ကတော့ မယုံကြည်ဘူး။ နိုင်ငံတကာမှာ (အနဲဆုံး စင်္ကာပူ)မှာ ကိုယ်တို့ မြန်မာ တွေ ရာခိုင်နှုန်း ဘယ်လောက်များသလဲ။ ဒီလူမျိုးတွေက ဒီနိုင်ငံမှာ ကြိုးစားသူတွေ အဖြစ် အသိအမှတ်ပြုခံနေရတာ ဘာကြောင့်လဲ။ မြန်မာတွေ အပျင်းမထူ လို့ပေါ့။
မြန်မာ တွေ အပျင်းထူတယ်လို့ ဝေဖန်တဲ့လူတွေက များသောအားဖြင့် သူတို့ကိုယ် သူတို့ ကျန်မြန်မာတွေထက် တော်တယ်လို့ မသိမသာ သွေးနားထင်ရောက်နေတာတွေ့ရပါတယ်။ သူတို့ရဲ့ သိစိတ်က မဟုတ်ရင်တောင် မသိစိတ်မှာ ငါက ငါ့ပတ်ဝန်းကျင်မှာ ရှိတဲ့ မြန်မာတွေထက် သာတယ်ဆိုတဲ့ စိတ်အခံရှိလို့သာ ဒီစကားမျိုးတွေ ပြောတယ်လို့ ခံစားရတယ်။
နောက် တချက်က ကိုယ့်လူမျိုးကို ကိုယ်က မလေးစားရင် ဘယ်သူက လာလေးစားမှာလဲ။ ကိုယ့်နိုင်ငံကို သူများ ရှေ့မှာ နှိမ်ပျတာအတွက် ဘယ်သူ့မှာ အကျိုးရှိမလဲ။ မြန်မာဆိုတာ ဒါပါလားလို့ အများက လေးစားလာရအောင် ကိုယ်တိုင်က မကြိုးစားပြသင့်ဘူးလား။ ကိုယ်ဟာ မတော်သေးဘူးဆိုရင် တော်အောင်၊ ကိုယ်က တော်ပြီးသား ဆိုရင်လဲ မြန်မာကို ကိုယ်စားပြုနိုင်တဲ့ လူတယောက်ဖြစ်အောင် မနေသင့်ဘူးလား။
လူမျိုးတိုင်း (သို့) လူတိုင်းမှာ ချို့ယွင်းချက်တော့ ရှိမှာပါပဲ။ ဒါပေမဲ့ မြန်မာတွေမှာ ညံ့တာ ရှိသလို၊ တော်တာတွေ ရှိတယ်ဆိုတာ မြန်မာတွေ လက်ခံသင့်ပြီလို့ ထင်ပါတယ်။ ကိုယ့်ကိုယ်ကိုတောင် မလေးစားနိုင်တဲ့ လူဟာ သူများ ကို မလေးစားနိုင်ပါဘူး။မြန်မာတွေအပျင်း ထူတယ်ဆိုတဲ့ မြန်မာတွေ ဂုဏ်ယူနိုင်ဖို့ တခုတော့ ပြောချင်ပါတယ်။ တိုးတက်နေတဲ့ အနောက်နိုင်ငံ တချို့ကို အလည်သွားရင်ပဲ ဖြစ်ဖြစ်၊ အလုပ်နဲ့ သွားရင်ပဲ ဖြစ်ဖြစ် သတိထားကြည့်ပါ။ အလုပ်လက်မဲ့တွေ၊ အိုးမဲ့ အိမ်မဲ့တွေကို လမ်းပေါ်မှာ တွေ့နိုင်ပါတယ်။ နိုင်ငံမှာရှိတဲ့ လူဦးရေ ရဲ့ တ၀က်လောက်က အလုပ်လုပ်နေရပြီး တ၀က်လောက်က အစိုးရက ပေးထားတဲ့ ထောက်ပံ့ကြေးနဲ့ အပျင်းထူ နေသူတွေပါ။မြန်မာတွေ ပျင်းတယ်၊ ပေါ့ပေါ့နေ ပေါ့ပေါ့စားလို့ နှိမ်ချ ပြောမယ်ကြံရင် ဒီလူတွေကို ပြေး မြင်ကြည့်ပါ။
အကောင်းနဲ့ အဆိုး ဒွန်တွဲနေတဲ့ လောကကြီးမှာ အဆိုးကိုပဲ ထုတ်ဖော်ပြောမယ်ဆိုရင် အဲဒီပြောနေတဲ့လူကို ဘယ်သူကမှ နှစ်သက်မှာ မဟုတ်ပါဘူး။ အခုအချိန်မှာ မြန်မာတွေက ကမ္ဘာ့ အနှံ့မှာ ရောက်နေပါပြီ။ ကိုယ် ပြုမူ လိုက်တဲ့ အပြုအမူ တခု၊ ကိုယ်ပြောလိုက်တဲ့ စကားတခွန်းက ကိုယ့်လူမျိုးကို နှိမ်ချရာ မရောက်အောင် ကြိုးစား ရမှာပါ။ ကိုယ့်လူမျိုးကို လေးစားခြင်းအားဖြင့် ကိုယ့်ကိုယ်ကိုလဲ လေးစားပါ။ ဒါမှာသာ တခြားလူမျိုးတွေကလဲ ကိုယ့် လူမျိုးကို လေးစားမှာပါ။

ကိုယ်တိုင် ဖတ်ဖို့

အခက်အခဲဆိုတာ လူတိုင်း တွေ့ရမှာပဲမှလား။ ကြုံလာတဲ့ အခက်အခဲတွေကို ထိုင်ပြီး ငိုကြွေးနေလို့ ဘာဖြစ်လာမှာ လဲ။ ရှေ့ဆက်လျှောက်ရမဲ့ ခရီးအတွက် အားတွေ အဖြစ် ပြောင်းလဲ လိုက်စမ်းပါ။
ဝမ်းနည်းမှုတွေ၊ သောကတွေ၊ မတရားဘူးလို့ ခံစားရတာတွေ.. ဒါတွေအားလုံးဟာ အချိန်တခု လွန်သွားပြီးတဲ့ အခါ ဘာမှ မဟုတ်တော့ဘူးဆိုတာ သိနေရဲ့နဲ့ ဒါကို ပူဆွေးခံစားနေမယ်ဆိုရင် လူမိုက်ဖြစ်သွားမှာပေါ့။
ငိုချိန်တန်လို့ ငိုခဲ့ပြီးရင် ရှေ့ဆက်လျှောက်ရမဲ့ ခရီးကို အားအပြည့်နဲ့ လျှောက်လိုက်ပါ။
လူသားမှန်ရင် ခံစားတတ်၊ နာကျင်တတ်တာပဲ။ ဒါကို ဘယ်လောက်ထိ ထိန်းချုပ်နိုင်သလဲဆိုတာက သင် ဘယ်လိုလူလဲဆိုတာ ဆုံးဖြတ်သွားပေးတာပဲ။
ဘ၀မှာ အမေ့ကို ဆုံးရှုံးခဲ့ရတဲ့ အချိန်လောက် နာကျင်ခဲ့ရတာ ရှိနိုင်အုန်းမလား။

NewZealand သို့ အလည်တခေါက်(၃)

ကွန်ဖရင့် ပထမ (၂) ရက်မှာတော့ အစည်းအဝေးခန်းမထဲမှာပဲ အချိန်ကုန်ခဲ့တယ်။ workshop တွေ တက်တာ ဖြစ်တဲ့အတွက် တချို့ ပေပါတွေက တင်ပြတဲ့လူ ညံ့တာရော၊ သီအိုရီ သဘောတရား မကြေညက်တာ ရောကြောင့် မျှော်လင့်ထားသလောက် မကောင်းဘူး။ ဒါပေမဲ့ တခု သတိထားမိတာက ကိုယ်တက်သမျှ ကွန်ဖရင့် တိုင်းမှာ တရုတ် ကို ရာနှုန်းများများ တွေ့ရတာပဲ။ မြန်မာ တယောက်လောက်နဲ့ ဆုံချင်တဲ့ စိတ် ပြင်းပြင်းပြပြ ဖြစ်မိတယ်။
ကွန်ဖရင့် တတိယရက်မှာတော့ မနက်ခင်းပိုင်းတင်ပြမဲ့ အကြောင်းအရာတွေက ကိုယ်နဲ့ လုံးဝမဆိုင်တာက တကြောင်း၊ အဖော်ကောင်းတာ က တကြောင်း SHOTVER JET BOAT သွားစီးဖြစ်တယ်။ Queenstown မြို့ထဲကနေ shotover river အထိ အသွားအပြန် (jet boat စီးချိန် အပါအ၀င်) ၁ နာရီခွဲပဲ ကြာတယ်။ တကယ် JET BOAT စီးချိန်ကတော့ ၂၅ မိနစ်ပဲ ရှိတာပါ။ နယူးဇီလန် ဒေါ်လာ ၁၁၉ ကျပ်ပေးရပြီး မြို့ထဲကနေ SHOTOVER မြစ်အထိကို ကားနဲ့ လိုက်ပို့ပေးတယ်။ အဲဒီမှာ ကိုယ်တို့ကို JET BOAT လိုက်မောင်းပေးမဲ့လူတွေက တာဝန် လွှဲပြောင်းယူတယ်။ အသက်ကယ် အကျီတွေနဲ့ မိုးကာ ဆန်ဆန် လောင်းကုတ် အရှည်ကြီးတွေကို ပေးဝတ်တယ်။ အဲဒီနောက်မှာတော့ ကိုယ်တို့ရဲ့ စွန့်စားခန်း စတင်တော့တာပါပဲ။ စစီးစီးချင်းမှာတော့ BOAT မောင်းတဲ့လူက နံရံတွေနားကို ကပ်မောင်းလိုက်တိုင်း ကျောက်ခဲတွေနဲ့ လူနဲ့ ရိုက်မိမယ်လို့ ထင်မိတယ်။ နောက် ၁ ခါ ၂ ခါ ဖြစ်ပြီးတော့ သိပ်မကြောက်တော့ဘူး။ နောက် ပျော်စရာတခုက BOAT ကို ၃၆၀ ဒီဂရီ လှည့်တာပဲ။ အဲဒီလို လှည့်တာ (ကိုယ့်အထင်) ၅ ခါ လောက်တော့ ရှိမယ် ထင်တယ်။ လှည့်ခါနီးမှာ BOAT မောင်းတဲ့လူက သူ့ရဲ့လက်ကို ဝှေ့ပြပါတယ်။ ဒါဆို လှည့်တော့မယ်ပေါ့။ ပိုက်ဆံနဲ့ တန်တယ်၊ မတန်ဘူးဆိုတာ မစဉ်းစားရင်တော့ တော်တော်လေး ပျော်စရာကောင်းတဲ့ ကစားနည်း တမျိုးပါပဲ။

New Zealand သို့ အလည်တခေါက် (၂)

နယူးဇီလန် နိုင်ငံ (queenstown) မြို့လေးဟာ စွန့်စားမှုကို ကြိုက်တဲ့လူတွေအတွက် ပြီးပြည့်စုံတဲ့ မြို့လို့ ပြောနိုင် တယ်။ အဲဒီမှာ sky diving, bungy jumping (bungee jumping လို့လဲ ခေါ်ပါတယ်).. နောက် jet boat စတဲ့ စွန့်စားမှု အမျိုးမျိုးကို လုပ်လို့ရတယ်။ တောင်တက်တာ ၀ါသနာပါတဲ့လူတွေအတွက်လဲ တောင်တက် နိုင်တဲ့ အစီအစဉ်တွေလဲ ရှိတယ်။ Lords of the Ring ရုပ်ရှင်ရိုက်တဲ့ နေရာတွေကို သွားလို့ရတဲ့ ခရီးစဉ်တွေလဲ ရှိတယ်။ ဒါပေမဲ့ အစီအစဉ်အများစုက နေ့တ၀က်ပေးရမှာဖြစ်တဲ့အတွက်ရယ်၊ ဈေးကြီးတာရယ်ကြောင့် ကိုယ် မသွားဖြစ်ခဲ့ဘူး။

NewZealand သို့ အလည်တခေါက် (၁)

နယူးဇီလန်ကို တနင်္ဂနွေနေ့ (၀၇-၁၁-၂၀၁၀) မှာ ရောက်တယ်။ ရောက်ရောက်ချင်း ကိုယ့်ကို ဆီးကြို နှုတ်ဆက် တာက လေအေး အေးပဲ။ ၂၀ ဒီဂရီ ဆိုတာ နေလို့ ကောင်းရုံ ရာသီဥတုပဲလေ။ လေယာဉ်ကွင်းကနေ ကိုယ်တို့ တည်းမဲ့ ဟိုတယ်ကို taxi ငှားသွားတော့ ၃၀ ကျော်ပေးရတယ်။ ကိုယ်တို့ မိနစ် ၂၀ လောက်ပဲ စီးရတယ်။ ဈေးကြီး လိုက်တာလို့ ပထမဆုံး တွေးမိ တာပဲ။ ကိုယ်တို့တည်းမဲ့ ဟိုတယ်က Rydges တဲ့။ wakatipu ရေကန်ကို မျက်နှာ မူထားတယ်။ Queenstown မြို့လေးမှာတော့ အကြီးဆုံး ဟိုတယ်လို့ ပြောလို့ရမယ် ထင်တယ်။ ဒီမြို့မှာ ရှုခင်းကို ဦးစားပေးထားတဲ့အတွက် ဟိုတယ်တွေရဲ့ အခမ်းအပြင်အဆင်တွေ၊ အစားအသောက်တွေက ဂျပန်က ဟိုတယ် လောက် မကောင်းတာ အမှန်ပဲ။ မနက်စာ မကျွေးဘူး၊ အင်တာနက် မပါဘူး။ မြင်ကွင်းကောင်းတာကလွဲရင် ကျန်တာ အခွံသက်သက်လို့ ပြောလို့ရတယ်။ ဒါက ကိုယ်တည်းခဲ့တဲ့ အခန်းလေး။ အခန်း ၀ရံတာကနေ ထွက်ကြည့်လိုက်မယ်ဆိုရင် ရေပြင်ကျယ် ကြီးကို တွေ့ရမယ်။ရေပြင်ကျယ် ကြီးရဲ့ အဆုံးမှာ မှိုင်းညို့နေတဲ့ တောင်တန်းတွေ ရှိတယ်။ ဒီတောင်တန်းတွေပေါ်မှာ Lords of The Ring ကို ရိုက်ခဲ့တယ်။ တောင်တန်းတွေရဲ့ ထိပ်ဖျားမှာတော့ အရည်ပျော်စပြုနေတဲ့ ရေခဲတွေကို မြင်ရတယ်။

ဟိုတယ်မှာ ပစ္စည်းတွေ ခန ချပြီး ပြန်ထွက်တယ်။ မြို့ရဲ့ ဗဟို အချက်အချာ ဧရိယာလေးက ကျဉ်းကျဉ်းလေးပဲ။ နာရီဝက် လျှောက်ရင် နှံ့သွားပြီလို့ ပြောလို့ရတယ်။အိမ်တွေကို တောင်ကုန်းတွေပေါ်မှာ ဆောက်ထားတယ်။ မြို့လည်ခေါင်က ရေကန်ုအနီး မြေပြန့်မှာ ရှိပြီး အရှေ့ အနောက်ကို မျှော်ကြည့်လိုက်ရင်တော့ တောင်ကုန်းတွေ ထက်မှာ အိမ်တွေကို အခုလို တွေ့ရတယ်။
ဒါကတော့ စနေနေ့မှာပဲ ဖွင့်တဲ့ မြို့လည်ခေါင်က ဈေးလေး။ နောက် တပတ် စနေနေ့မှာ ဒေသထွက် သစ်သီးတွေကို ရောင်းမယ်လို့ သိရတယ်။ ကိုယ်တို့တော့ မကြုံရတော့ဘူးပေါ့။

ဒီမြို့လေးဟာ နိုင်ငံခြားသားတွေအတွက် အလည်လာဖို့ အဓိက ရည်ရွယ်ထားတာဆိုတော့ ဆိုင်တိုင်းဟာ ဧည့်သည်တွေ အတွက် ရည်ရွယ်ထားတယ်။ ဒီမြို့လေးမှာ ဂျပန်ဆိုင်တွေ ရှိတယ်။ ကိုရီးယားဆိုင်တွေ ရှိတယ်။ ပင်လယ်စာတွေ လတ်ဆက်တယ်။ သိုးသားကို တော်တော် လေး စားကြတယ်။အစားအသောက်တွေက နဲနဲတော့ ဈေးကြီးတယ်။ လမ်းဘေးက food court မှာပဲ စားစား၊ restaurant မှာပဲ စားစား ၂၀ နဲ့ ၃၀ ကြားတော့ ပေးရတယ်။ ဘာဂါ နံမည်ကြီးတယ်ဆိုတာကြောင့် ၀ယ်စားဖြစ်တယ်။ ဘာဂါက အရမ်းကြီးပြီး ၁၂ ကျပ် ပေးရတယ်။ အထဲမှာ ကြက်သွန်နီတွေ ပါတာက လွဲရင် အရသာကို တော်တော်လေး ကြိုက်တယ်။ နောက် ကီဝီ သီးက နံမည် ကြီးတယ်။ သူ့အရသာက ချဉ်ဖြုံးဖြုံး မဟုတ်ပဲ သရက်သီး အရသာမျိုး ချိုချိုမွှေးမွှေးလေး ဖြစ်နေတယ်။

သိုးလေးများ အကြောင်း

အန္တရာယ်ကို မသိသူများ
တောင်ခြေကနေ မီတာ ၇၉၀ အမြင့်လောက်ရှိတဲ့ မတ်စောတ်တဲ့ တောင်ကုန်းထက်မှာ ကပ်ပေါက်နေတဲ့ မြက်တွေကို မကြောက်မရွံ့ စားနေတဲ့ သိုးတွေပါ။ သူတို့ရဲ့ သတ္တိကိုပဲ ချီးကျူးရမလား။ အန္တရာယ်ကို မမြင်နိုင် လောက်အောင် မိုက်မဲလွန်းတဲ့ သိုးတွေကိုပဲ အပြစ်တင်ရမလား။ သူတို့ကတော့ ဘာကိုမှ မသိပဲ အေးအေးလူလူ မြက်စားနေကြတာပါပဲ။ တခါတလေမှာတော့ အန္တရာယ်ကို မသိတာဟာ အေးချမ်း စေသလိုပဲ။