မထင်မှတ်ပဲ..မရည်ရွယ်ပဲ ကြည့်ဖြစ်သွားတဲ့ ရုပ်ရှင်တစ်ကားပဲ။ စာတန်းထိုး မပါတဲ့ TV က လာတဲ့ ရုပ်ရှင်တွေ ကြည့်ဖို့ ကြိုးစားတာ ပထမဆုံး အောင်မြင်သွားတဲ့ ရုပ်ရှင်မို့ မှတ်တမ်းတင်လိုက်ပါတယ်။ ဇာတ်ကားနံမည်က Love's Unending Legacy တဲ့။ အချစ်၏ မပြီးဆုံးသော ဒဏ်ရာ အနာတရ လို့ ဘာသာပြန်ရမလားပဲ။ အချစ်ဆိုတော့ ရုတ်တရက် ၁၅၀၀ အချစ် ဇာတ်လမ်းလို့ ထင်လိုက်သေးတယ်။ ပျင်းစရာ ကောင်းမယ်ထင်တာ။ ဒါပေမဲ့ ကြည့်နေရင်းနဲ့ ကြိုက်သွားတယ်။ အမှန်တော့ ဇာတ်လမ်းက ၅၂၈ အပေါ်မှာ အခြေခံထားတာပါ။ ၁၅၀၀ အချစ်နဲ့ သိပ်မဆိုင်ဘူးရယ်။
ဇာတ်ကားလေးက အမှန်တော့ ရိုးရိုးလေးပါပဲ။ မိဘမဲ့ မောင်နှမ နှစ်ယောက်ရဲ့ ဇာတ်လမ်းလေးကို ဖွဲ့ထားပါ တယ်။ တောရွာလေး တစ်ခုမှာ ဆရာမ လုပ်နေတဲ့ မင်းသမီးက အမှတ်မထင်ပဲ ဘုရားကျောင်းကို ဖြတ်သွားရင်း ကလေးတွေ မွေးစားဖို့ပေးတဲ့ အခမ်းအနားကို တွေ့တော့ ခန၀င်ထိုင်ပါတယ်။ မွေးစားဖို့ အစီအစဉ် မရှိပါဘူး။ ဒါပေမဲ့ ကလေးတွေ တစ်ယောက်ပြီး တစ်ယောက် မွေးစားဖို့ ခေါ်သွားကြပြီးနောက် ကလေးလေး နှစ်ယောက် ကျန်ခဲ့ပါတယ်။ မိန်းကလေးက ၁၄ နှစ်ရှိပြီး ယောက်ျားလေးက ၅ နှစ်ပါ။ အခန်းထဲမှာလဲ မွေးစားဖို့ လာရှာတဲ့ လူကြီးတွေက မကျန်တော့ပါဘူး။ ခုနက ဆရာမရယ်၊ နောက်ထပ် အသက်ကြီးကြီး လင်မယားရယ်ပဲ ကျန်တာပါ။ အဲဒီမှာ အသက်ကြီးကြီး လင်မယားရဲ့ ရည်ရွယ်ချက်က ခိုင်းစားဖို့ ရည်ရွယ်ပါတယ်။ အဲဒါမို့ အသက်ကြီးတဲ့ မိန်းကလေးကိုပဲ လိုချင်ပါတယ်။ သူတို့ရဲ့ လေသံနဲ့ အပြုအမူမှာက သိပ်ကို သိသာနေပါတယ်။ မိန်းကလေးကလဲ ကဲကဲဆတ်လေးပါ။ သူ့ မေးစေ့ကို လာကိုင်တဲ့ အဖိုးကြီးကို ခြေထောက်ကနေ ပိတ်ကန် လိုက်ပါတယ်။ အဲဒီမှာတင် ခုနက လင်မယားလဲ ကလေးအငယ် ယောက်ျားလေးကို ခေါ်သွားပါတယ်။ အဲဒီမှာ ဘုရားကျောင်းက ဖာသာက ကလေးလေးကို လိုက်ချင်ရဲ့လားလို့ မေးပါတယ်။ အဲဒီ မေးခွန်းကို မဖြေခင် ကလေးက မိန်းကလေးကို မော့ကြည့်ပါတယ်။ နောက်တော့ လိုက်သွားခဲ့ပါတယ်။ မွေးစားမဲ့သူ မရှိတဲ့ ခုနက မိန်းကလေးနဲ့ ဆရာမပဲ အခန်းထဲ ကျန်ခဲ့ရာကနေ နောက်ဆုံးတော့ ဆရာမကပဲ ကလေးကို မွေးစားဖြစ်သွား ပါတယ်။ ဒါပေမဲ့ ကောင်မလေးက ဂျစ်ကပ်ကပ်လေးပါ။ သူ့ကိုယ်သူ အိမ်သားဆိုတာထက် ခိုင်းဖို့ ခေါ်လာ တယ်လို့ပဲ မြင်နေပါတယ်။ နောက်တော့ ညဘက်တွေ ပျောက်ပျောက်သွားတယ်။ အိမ်က စားစရာတွေလဲ ပျောက်တယ်။ အဲလိုနဲ့ ဆရာမနဲ့ ကောင်မလေး ထိပ်တိုက်တွေ့..မေးတော့လဲ မဖြေ။ ဒါပေမဲ့ တစ်ညတော့ ကောင်မလေးနောက်ကို လိုက်ချောင်းတဲ့ ဆရာမက ကောင်မလေးရဲ့ လျှို့ဝှက်ချက်ကို သိသွားပါတယ်။ အဲဒါ ကတော့ ကောင်မလေးနဲ့ အဖိုးကြီး လင်မယားနောက်ကို ပါသွားတဲ့ ကောင်လေးက မောင်နှမ ဖြစ်နေတာပါ။ နှိပ်စက်ခံနေတဲ့ ကောင်လေးကို သနားတဲ့ အမလုပ်သူက ညဘက်တွေ မုန့်ခိုးပြီး သွားပို့ပေးတာပါ။ ဒီလိုနဲ့ ကောင်လေးကို ပြန်ခေါ်ဖို့ ကြိုးစားကြပါတယ်။ နောက်တော့ ကလေး နှစ်ယောက်က ထွက်ပြေး..တောထဲမှာ လိုက်ရှာ၊ နောက်ဆုံးတော့ ပြန်တွေ့တာနဲ့ နိဂုံးချုပ်သွားပါတယ်။ ဇာတ်ကားမှာ လစ်ဟာချက်တွေ အများကြီး ရှိပေမဲ့ ကြည့်ပျော်တဲ့ ဇာတ်ကားတစ်ကားပါပဲ။
ဇာတ်သိမ်းပိုင်းကိုတော့ လုံးဝ မကြိုက်ပါ။ ဘုရားသခင်ရဲ့ တန်ခိုးနဲ့ ကလေးတွေကို ပြန်တွေ့တယ် ဆိုတာနဲ့ နိဂုံးချူပ်သွားပါတယ်။ ဒီဇာတ်ကားမှာ အစာမကြေတာက ခိုင်းစားဖို့ မွေးစားမှန်း၊ အကြင်နာမရှိတာ သိသိလျက် နဲ့ ကလေးကို မွေးစားဖို့ ပေးလိုက်တဲ့ ဘုရားကျောင်းက ဖာသာနဲ့ လူကြီးတွေကိုပါ။
No comments:
Post a Comment