အင်္ဂလန်မှာ ကိုယ့်ကို စိတ်လှုပ်ရှားမှု အပေးနိုင်ဆုံး နေရာလို့ ပြောရမယ်။ ဒီနေရာကို တမင်သိပြီး ရောက်သွားခဲ့ တာတော့ မဟုတ်ဘူး။ ကိုယ် Buckingham နန်းတော်က ထွက်လာပြီး အချိန်ပိုနေလို့ ဟိုသွား ဒီသွားလုပ်ရင်း ရောက်သွားခဲ့တာ။ ဒီနေရာဟာ လန်ဒန်မြို့ရဲ့ ဗဟို အချက်အချာနေရာလို့ ပြောရမယ်။ကျောက်တိုင် ရှည်မျော မျောတစ်ခုကို ခြင်္သေ့လေးကောင် ရံထားတဲ့ နေရာဟာ စိတ်အလှုပ်ရှားဆုံးလို့ ပြောတော့ တမျိုး ဖြစ်နေလိမ့် မယ်။ အမှန်တော့ ကိုယ့်ကို စိတ်လှုပ်ရှားမှု ပေးတာက နေရာကြောင့် မဟုတ်ဘူး။ အဲနေရာမှာ မမျှော်လင့်ဘဲ ကြားလိုက်ရတဲ့ အသံ၊ မမျှော်လင့်ဘဲ မြင်လိုက်ရတဲ့ မြင်ကွင်းကြောင့်ပဲ။ ကိုယ် အဲနေရာနားကို ရောက်တော့ လူတွေ အများကြီးကို တွေ့ရတယ်။ အလံတွေ ကိုင်ထားတဲ့ လူတွေ၊ စင်ပေါ်မှာ မိုက်နဲ့ အော်နေတဲ့ အသံတွေ။ ဒါပေမဲ့ စင်္ကာပူမှာ ဒါမျိုးက ရိုးနေပြီဆိုတော့ ပထမ ကိုယ် စိတ်မ၀င်စားမိဘူး။ ကိုယ်ထင်တာက မျက်လှည့်တခုခု (သို့) စင်တင် ဖျော်ဖြေပွဲ တစ်ခုခုလို့ ထင်လိုက်တာ။ အဲဒီမှာ ရုတ်တရက် ကြားလိုက်ရတဲ့ အသံက “ကျွန်မက ဒီက လူထုအနေနဲ့ တခြားပါတီကို မဲပေးမယ်ဆိုရင်တောင် ၀မ်းသာအုန်းမှာ။ ဘာလို့လဲဆိုတော့ ဒါမှ ကိုယ့်ရဲ့ ရပိုင်ခွင့်ကို အသုံးချရာ ရောက်မယ်။ ကျွန်မတို့ ပြည်သူတွေအနေနဲ့ ကိုယ့်ရပိုင်ခွင့်ကို အသုံးချနိုင်ပါစေ” ဆိုတဲ့ အသံပဲ။ တီးလိုက်တဲ့ လက်ခုပ်သံတွေက လျှံထွက်သွားတယ်။ ဒီအမျိုးသမီး ဘယ်သူ၊ ဘာအတွက် ဟောပြောနေ တယ်ဆိုတာ ကိုယ် မသိပါဘူး။ ဒါပေမဲ့ ကိုယ့်ဘ၀မှာ နိုင်ငံရေးစင်မြင့်ရဲ့ ဟောပြောသံကို ကြားဖူးတာ ဒါ ပထမ ဆုံးပဲ။ နောက် အမိန့်စေခိုင်းချက်အရ မဟုတ်ပဲ တကယ့်ကို စိတ်ပါ လက်ပါ လာနားထောင်နေတဲ့ လူတွေ၊ အဲဒီ စင်ပေါ်က အမျိုးသမီးရဲ့ ကြည်လင် ပြတ်သားတဲ့ အသံ။ ဒါတွေက ကိုယ့်ရင်ကို လှိုက်ခနဲ ဖြစ်သွားစေတယ်။ များပြားလိုက်တဲ့ လူတွေကို ဒီတခါ ကိုယ်ပြန်ကြည့်လိုက်မိတော့ ခုနက ခံစားချက်နဲ့ တခြားစီ ဖြစ်သွားတယ်။ သူတို့ရဲ့ တက်ကြွတဲ့ အသံ၊ စိတ်လှုပ်ရှားမှုတွေက ကိုယ့်ကို ကူးစက်လာပြီ ရင်ထဲမှာတောင် မငြိမ်မသက် ဖြစ်သွားသလိုပဲ။
ကိုယ်လေ သိပ်ထက်မြက်တဲ့ အမျိုးသမီးတွေကို တွေ့တိုင်း အားကျတယ်။ ပြတ်သားတဲ့ စကားပြောဟန်ရှိတဲ့ အမျိုးသမီးတွေကိုတွေ့ရင် အထင်ကြီးတယ်။ ယောက်ျားတွေကို တော်ရုံနဲ့ အထင်မကြီးတတ်တဲ့ ကိုယ်ဟာ အမျိုးသမီးတွေကို လွယ်လွယ်နဲ့ အထင်ကြီးတတ်တယ်။ ယောက်ျားတွေထဲမှာတော့ အထင်ကြီးမိတာ ကိုယ့် အဖေနဲ့ ဗိုလ်ချုပ်အောင်ဆန်း၊ ဦးသန့် ဒီလောက်ပဲ ရှိသေးတယ်လို့ ပြောရင် ကိုယ့်ကို လူတော်တော်များများ အမြင်ကတ်ကြမယ်။ အမျိုးသမီးတွေမှာတော့ ကိုယ် အထင်ကြီးတဲ့လူတွေအများကြီးပဲ။ တခြားလူတွေနဲ့တော့ တူချင်မှ တူမယ်။ သူငယ်ချင်း အချင်းချင်းမှာတောင် မိန်းကလေး သူငယ်ချင်းဆိုရင် လွယ်လွယ်နဲ့ အထင်ကြီး မိတယ်။ ကိုယ်မပိုင်ဆိုင်တဲ့ အရည်အချင်းရှိဖို့တော့ လိုတာပေါ့။ ဂျူးဆိုရင် လူတွေက အမျိုးမျိုး ဝေဖန်ကြမယ်။ ဂျူးကို ကိုးကွယ်တဲ့ မိန်းကလေးက တော်တော်လေးတော့ များလိမ့်မယ်ထင်တယ်။ အထူးသဖြင့် ကိုယ်တို့ အသက် အရွယ် မိန်းကလေးတွေပေါ့။ ကိုယ် သူ့ကို အထင်ကြီးတာက ကိုယ်လုပ်တဲ့ အလုပ်ကို တာဝန်ယူရဲလို့။ စာအုပ်တိုင်းကို လေ့လာပြီးမှ ရေးတယ် (အနဲဆုံး လေ့လာပြီးမှ ရေးတယ်လို့ စာဖတ်သူက ယုံကြည်အောင်) ဂျူးက စွမ်းဆောင်နိုင်တယ်။
ဘ၀မှာ မိန်းမတစ်ယောက် အောင်မြင်တယ်၊ ကျော်ကြားတယ် ဆိုရင် အဲဒီ မိန်းမရဲ့ ကိုယ်ပိုင် အရည်အချင်းက တော်လွန်းလို့ ဖြစ်ပြီး ယောက်ျားတစ်ယောက် အောင်မြင်တယ်ဆိုရင် အဲဒီယောက်ျားနောက်ကွယ်မှာ အဲဒီလူ ထက် သာလွန်ထက်မြတ်တဲ့ အရည်အချင်းပိုင်ဆိုင်ထားတဲ့ မိန်းမတစ်ယောက်ရှိနေလို့ ဖြစ်မယ်လို့ ကိုယ် စာအုပ် တစ်ခုမှာ ဖတ်ဖူးတယ်။ ဒီစကားကို ရုတ်တရက် ကြည့်ရင် မိန်းမ ၀ါဒီ တစ်ယောက်က ပြောတာလို့ လွယ်လွယ်နဲ့ ကောက်ချက်ဆွဲသွားကြလိမ့်မယ်။ အမှန်တော့ ဒီစကားက ၁၀၀ ရာနှုန်း မမှန်ရင် ၉၉.၉၉ ရာနှုန်း မှန်ပါတယ်။ အထူးသဖြင့် အာရှ ယဉ်ကျေးမှုမှာ ပိုမှန်တယ်လို့ ကိုယ်မြင်တယ်။
ထက်မြက်တဲ့ မိန်းမတစ်ယောက် အောင်မြင်ဖို့ ထက်မြတ်တဲ့ ကိုယ့်လင်သားဆီက ပံ့ပိုးမှု ရတယ်ဆိုတာ ရှားပါ တယ်။ယောက်ျားက ခပ်ညံ့ညံ့ ဆိုရင်တော့ အဲဒီ မိန်းမအနေနဲ့ ပံ့ပိုးမှု ရကောင်းရနိုင်ပေမဲ့ ယောက်ျားကလဲ ဥာဏ်ရည်ထက်ထက် မြက်မြက် ဆိုရင်တော့ ပံ့ပိုးမှု ရဖို့ အခွင့်အရေးဟာ သုညအောက် အနှုတ်လက္ခဏာ များစွာ ပါပဲ။ ဘာလို့လဲ ဆိုတော့ ထက်မြက်တဲ့ ယောက်ျားတွေက အတ္တလဲ ကြီးတတ်ကြတယ်။ အရာရာမှာ ဦးဆောင်ချင်တယ်။ မိန်းမတွေကလဲ အဲလို ဦးဆောင်နိုင်တဲ့ ယောက်ျားကိုပဲ အထင်ကြီးတတ်ကြပြန်တယ်။ အဲတော့ ထက်မြက်တဲ့ မိန်းမနဲ့ ထက်မြက်တဲ့ ယောက်ျား လက်တွဲလိုက်ပြီဆိုရင် များသောအားဖြင့် ထက်မြက် တဲ့ မိန်းမတွေက နောက်ကွယ်က ပံ့ပိုးကြတာ များပါတယ်။ ကိုယ့်လင်သားရဲ့ ကြိုးစားလိုစိတ်တွေ၊ အောင်မြင်လို စိတ် တွေကို အရောင်တင်ပေးဖို့ ကြိုးစားကြရပြန်တယ်။ ကိုယ့်လင်သားကို ဘယ်ရွေ့ဘယ်မျှ အားကိုးကြောင်း ပြကြရပြန်တယ်။သားသမီးတွေက အဖေကို အထင်ကြီးနေအောင် လမ်းပြပေးရတယ်။ မိန်းမနဲ့ သားသမီးရဲ့ အားကိုးသံဟာ ယောက်ျားတွေကို အခိုင်မာဆုံး တွန်းအား တစ်ခု ဖြစ်နေတတ်တယ်။ ဒါမို့ ဘ၀မှာ လျှမ်းလျှမ်း တောက် အောင်မြင်နေတဲ့ ယောက်ျားတွေကို ကြည့်မယ်ဆိုရင် သူ့ရဲ့ နောက်ကွယ်မှာ သိပ်ကို ထက်မြတ်တဲ့ မိန်းမတစ်ယောက် ရှိနေတတ်ကြတာပဲ။ ချွင်းချက်တော့ ရှိနိုင်ပါတယ်။
မိန်းမတွေအဖို့မှာတော့ လျှမ်းလျှမ်းတောက် အောင်မြင်ပြီဆိုရင် အိမ်ထောင်ရေးကို အဆုံးရှုံးခံလိုက်ရတာ များ ပါတယ်။ နှစ်ဖက်လုံးမှာ အောင်မြင်နေဖို့ဆိုရင် သူကိုယ်တိုင်က သိပ်ကို ထက်မြက်နေမှ ဖြစ်နိုင်ပါတယ်။ ထက်မြတ်တဲ့ ယောက်ျားတစ်ယောက်ထက် ၂ ဆလောက်ပိုထူးချွန်တဲ့ မိန်းမမှသာလျှင် ခုနက ထက်မြတ်တဲ့ ယောကျား ရနိုင်တဲ့ အောင်မြင်မှုကို ရနိုင်တာပါ။ ဘာလို့လဲဆိုတော့ သူတို့က အတိုက်အခံ များတယ်။ ပံ့ပိုးမှု မရှိဘူး။
မိန်းမတစ်ယောက် သိပ်တော်နေရင် ယောက်ျားမပြောနဲ့၊ မိန်းမတွေကတောင် အသိအမှတ်ပြုဖို့ဝန်လေးတတ်ကြတယ်။ ယောက်ျားတစ်ယောက်ကို မိန်းမရော ယောကျားရော အလွယ်တကူ အထင်ကြီးတက် ပေမဲ့ မိန်းမဆိုရင်တော့ အသိအမှတ်ပြုဖို့ နဲနဲ နောက်တွန့်တတ်ကြတာ သဘာဝ တစ်ခုလိုတောင် ဖြစ်နေ တယ်။ အဲဒါမို့လဲ ထက်မြတ်တဲ့ အမျိုးသမီးအများစုဟာ အပျိုကြီး ဖြစ်ရင် ဖြစ်၊ မဖြစ်ရင် သူ့နောက်မှာ ရှိနေတဲ့ အိမ်ထောင်ဖက်ဟာ ခပ်ညံ့ညံ့ ယောက်ျားတစ်ယောက်ဖြစ်နေရတာပါပဲ။
ကိုယ့်ဘ၀မှာ ဆုတောင်းခွင့် ရှိမယ်ဆိုရင် ထက်မြတ်တဲ့ အမျိုးသမီးတွေနဲ့ နီးနီးကပ်ကပ် နေခွင့်ရတဲ့ ဘ၀တစ်ခု ကို ပိုင်ဆိုင်ချင်တယ်။
No comments:
Post a Comment