Buckingham နန်းတော်တဲ့။ နန်းတွင်း ကိစ္စတွေကို ခုထိ ဆောင်ရွက်နေဆဲနေရာလို့ သိရတယ်။ အမှန်တော့ changing of the guard event ရှိတဲ့ အချိန်မှာ သွားသင့်တာ..မနက်ဖြန် မနက်မှာ ရှိတယ်လို့ သိပေမဲ့ ဒီနေ့ တလက်စထဲပဲ သွားဖြစ်သွားတယ်။ ဒီ အဖြစ်အပျက်ကို စိတ်ဝင်စားတယ် ဆိုရင် ဒီမှာ သွားကြည့်လို့ ရပါတယ်။ ဘုရင်စနစ်ကို ခုချိန်ထိ ထိန်းသိမ်းထားဆဲ နိုင်ငံ ပီသတယ်လို့ပဲ ပြောချင်ပါတယ်။ နန်းတွင်း ၀တ်စားမှုတွေ war museum က ၀တ်စုံ အပြည့်နဲ့ အစောင့်တွေ၊ စစ်သားရုပ်ထုတွေ.. အမှတ်တရ အများကြီးကို တွေ့ရတယ်။ ရင်ထဲမှာ ဗိုလ်ချုပ်ကို လွမ်းလွမ်းဆွေးဆွေး ဖြစ်သွားမိတယ်။ ကိုယ့်နိုင်ငံကို ကျွန်ပြုတာ မခံချင်တဲ့ ဗိုလ်ချုပ်က သူ့ထက် အစွမ်းအစ အများကြီး သာတဲ့ နိုင်ငံကို တွန်းလှန်သွားနိုင်ခဲ့တယ်။ ကိုယ် ဗိုလ်ချုပ်ကို အရမ်းချစ်သလို လေးလဲ လေးစားတယ်။ ဒါပေမဲ့ ကိုယ် အင်္ဂလိပ်ကို မမုန်းဘူး။ စစ်ဆိုတာ ဖြစ်ချိန်တန်လို့ ဖြစ်တယ်လို့ပဲ ကိုယ် လက်ခံထားတယ်။ သမိုင်းဆိုတာ လေ့လာ သင်ကြားရမဲ့ မှတ်တမ်းတစ်ခု ဆိုပေမဲ့ စနစ်တစ်ခု ခေတ်တစ်ခုအရ ဖြစ်သွားတဲ့ အဖြစ်အတွက် ကိုယ် ဘယ်သူ့ကိုမှ အပြစ်မတင်ချင်ဘူး။ လက်ရှိ အင်္ဂလိပ်တွေဟာ သူတို့ အဖိုး အဖွားတွေ ရေးသွားတဲ့ သမိုင်းအတွက် သူတို့မှာ အပြစ်မရှိဘူးလို့ ကိုယ်ထင်တယ်။အခုအချိန်မှာ လေ့လာ သင့်တဲ့ အရာတွေကို လေ့လာပြီး နိုင်ငံကို တိုးတက်ဖို့ပဲ ကြိုးစားချင်တယ်။ သမိုင်းဆိုတာ လေ့လာစရာဆိုပေမဲ့ အတိတ်ကိုတွေးပြီး တမြေ့မြေ့လုပ်နေရမဲ့ အရာ မဟုတ်ဘူးလို့ ကိုယ်ခံယူထားတယ်။ အဲမို့လဲ သမိုင်းကို တအုံ့နွေးနွေးနဲ့ တွေးပြီး အခုထိ အပြစ်ဆိုနေချင်တဲ့ လူတွေကိုလဲ အထင်သေးတယ်။
No comments:
Post a Comment