ကိုယ်တိုင် PhD စလုပ်တော့ ရွေးချယ်ခွင့် သိပ်နည်းခဲ့တယ်။ အကြံဥာဏ်တောင်းစရာ လူမရှိခဲ့ဘူး။ ဆရာတွေ ပြောသမျှအပေါ်မှာ နားယောင်ခဲ့ရတယ်။ ဒါကြောင့်မို့ ကိုယ့်ရဲ့ Junior တွေအတွက် ကိုယ့်ရဲ့ အတွေ့အကြုံ၊ အမြင်လေးတွေကို ဝေမျှပေးချင်ပါတယ်။ Local PhD ဟာ Local ကျောင်းဆင်းတွေအတွက် အလွယ်ဆုံး ရွေးချယ်မှု ဖြစ်ကောင်းဖြစ်နိုင်ပေမဲ့ ဖြစ်နိုင်ရင် oversea သွားဖို့ တိုက်တွန်းချင်ပါတယ်။ ဘာလို့လဲဆိုတော့ စင်္ကာပူနိုင်ငံက PhD ကျောင်းဆင်း တစ်ယောက်အနေနဲ့ စင်္ကာပူမှာ နေစရာ သိပ်မရှိ လို့ပါ။ AStar မှာ လုပ်ရင်လုပ်၊ မလုပ်ချင်ရင် University မှာ ပညာရေး post ရဖို့က နဲနဲခက်ပါတယ်။ Poly တွေမှာ လုပ်မယ်ဆိုရင် ဖြစ်နိုင်ပေမဲ့ လုပ်ချင်လိမ့်မယ်လို့ သိပ်မထင်မိဘူး။ အဲလို စဉ်းစားတဲ့ အခါမှာ ထည့်သွင်းစဉ်းစားရမဲ့ အချက်အချို့ကတော့
၁) European နဲ့ US ဘယ်ကို သွားမလဲ။ ယေဘူယျအားဖြင့် ယူရိုနိုင်ငံတွေက သီအိုရီကို ဦးစားပေးပါတယ်။ အခြေခံကျတဲ့ Research ကို ဦးစားပေးပါတယ်။ ကိုယ်စိတ်ဝင်စားရာ Topic တစ်ခုမှာပဲ ထဲထဲဝင်ဝင် သိသွားပြီးPhD ပြီးတဲ့ အချိန်မှာမှ general ကို သိဖို့ မျှော်လင့်ပါတယ်။ US ကတော့ applicationပိုင်းကို ဦးစားပေးပါ တယ်။ general ကနေ narrow ဖြစ်သွားတဲ့ တြိဂံပုံစံကို အခြေခံပါတယ်။ (ကိုယ့်ရဲ့ ကိုယ်ပိုင်အမြင်သာဖြစ်တဲ့ အတွက် အမြင်မတူတာ ရှိကောင်းရှိနိုင်ပါတယ်)
၂) ဆရာ ဘယ်လို ရွေးချယ်မလဲ။ PhD တစ်ခု ရနိုင်ဖို့ supervisor တစ်ယောက်ရဲ့ အခန်းက သိပ်အရေးပါ ပါတယ်။ ဆရာက နံမည်ကြီး(အသက်ကြီး)တယ်ဆိုရင် သူ့ဆီကနေ နည်းပညာပိုင်းဆိုင်ရာ အကူအညီရဖို့က မဖြစ်နိုင်သ လောက်ပါပဲ။ အထူးသဖြင့် ဒီနိုင်ငံက university ဆရာတွေက ပိုဆိုးပါတယ်။ သူတို့မှာ admin အလုပ်တွေနဲ့ ရှုပ်နေတဲ့အတွက် ကျောင်းသားကို နည်းပညာပိုင်း အကူအညီ မပေးနိုင်သလောက်ပါပဲ။ ဒါပေမဲ့ သူ့ရဲ့နံမည်ကို ကိုယ့်ရဲ့ Paper မှာ ပါခြင်းအားဖြင့် နံမည်ကြီး ဂျာနည်တွေမှာ ပါဝင်နိုင်ပါတယ်။ သူတို့ရဲ့ ရှိထားတဲ့ အတွေ့အကြုံပေါ်ကို မူတည်ပြီး အကြံဥာဏ်ကောင်းတွေ ပေးနိုင်ပါတယ်။
ဆရာက လူငယ်ပိုင်း ကြိုးစားတဲ့ ဆရာ (နံမည် တက်စ) ဆိုရင် နည်းပညာပိုင်းဆိုင်ရာ အကူအညီ အများကြီး ရနိုင်ပါတယ်။ အတွေ့အကြုံ နည်းသေးပေမဲ့ သူ့ရဲ့ ကြိုးစားချင်စိတ်အရ ကိုယ့်အတွက် အထောက်အကူ ဖြစ်နိုင်ပါတယ်။ ကိုယ့်ရဲ့ အောင်မြင်မှုက သူ့ရဲ့ အောင်မြင်မှုလဲ ဖြစ်နေတာမို့ ကိုယ့်ကို အလေးထားပြီး ဂရုစိုက်ပါလိမ့်မယ်။ တစ်ဘက်ကလဲ ဒါတွေကြောင့်ပဲ ကိုယ့်အပေါ်မှာ ဖိအား ပေးကောင်း ပေးနိုင်ပါတယ်။ ပြီးတော့ ကိုယ့်ကို နေရာ သိပ်မပေးတာ (အထူးသဖြင့် အထက်လူကြီးတွေနဲ့ ဆက်ဆံတဲ့အခါ) ကြုံရနိုင်ပါတယ်။ အဆိုးနဲ့ အကောင်း ဒွန်တွဲနေတာပါပဲ၊ ကိုယ့်ရဲ့ စရိုက်နဲ့ ကိုက်တဲ့ဆရာကို ရွေးချယ်ရမှာပါပဲ။
No comments:
Post a Comment