ကျွန်မတို့တွေ စင်္ကာပူကို လာတော့မယ်ဆိုရင် အင်္ဂလိပ်စာအတွက်၊ စကားပြောအတွက် အများကြီး ပြင်ဆင် လာကြပါတယ်။ဒီမှာ အနေကြာသွားတဲ့အခါ အင်္ဂလိပ်လို ပြောနိုင်လာ လိမ့်မယ်လို့လဲ ကိုယ့်ကိုယ်ကို မျှော်လင့်ထားတတ်ကြပါတယ်။ တကယ်လဲ ရောက်ခါစမှာ မဖြစ်မနေ သွားရတဲ့ အလုပ် အင်တာဗျူးတွေမှာ မလွှဲမရှောင်သာ အင်္ဂလိပ်စကား ပြောရပါတယ်။ သူတို့ ပြောသမျှကို အပြည့်အ၀ နားမလည်သလို ကိုယ်ပြောတာကိုလဲ သူတို့က အပြည့် နားမလည်ပါဘူး။ဒါပေမဲ့ အကောင်းဆုံး ပြင်ဆင်လာခဲ့တဲ့အတွက် အလုပ်နဲ့ ပတ်သတ်လို့ ပြောသင့်သလောက် ပြောပြ နိုင်ပါတယ်။ အဲလိုနဲ့ အလုပ်ရသွား ကြပါတယ်။အလုပ်ဝင်ခါစမှာ သူတို့တွေနဲ့ ပြောရင်းဆိုရင်း ကိုယ့်ရဲ့ အင်္ဂလိပ်စာ တိုးတက်လာမယ်လို့ မျှော်လင့်မိပြန်ပါတယ်။ သူတို့တွေကိုလဲ ၀င်ပေါင်းဖို့ ကြိုးစားပါတယ်။
ဒါပေမဲ့ သွားကြ လာကြတဲ့အခါ သူတို့က အင်္ဂလိပ်စကားနဲ့ မလေး (သို့) တရုတ်ပေါင်းထားတဲ့ စကားလုံးတွေကို သုံးစွဲလာတဲ့အခါ ကျွန်မတို့ အပြည့်အ၀ နားမလည်နိုင်တော့ပါဘူး သူတို့ပြောတာတွေ နားမလည်တဲ့အခါ၊ ကိုယ်ပြောလိုက်တိုင်း သူတို့က နားမလည်လို့ အကြိမ်ကြိမ်ပြော ရတဲ့အခါ စိတ်ထဲမှာ မိမိကိုယ်ကို အားငယ်တဲ့ စိတ်တွေ ၀င်လာပါတယ်။ နောက် စရိုက်၊ အလေ့အကျင့်တွေက မတူညီတဲ့ အခါ အင်္ဂလိပ်စကား ပြောဖို့ ကြောက်လာမိတယ်။ သူတို့နဲ့ သွားရတာကိုလဲ မပျော်တော့ဘူး။ အဲဒီအခါ သူတို့နဲ့ မပေါင်းလဲ ငါ့ဟာငါ ထမင်းသွားစားလို့ရတာပဲလို့ တွေးပြီး (တချို့သော မြန်မာတွေကတော့ ပိုက်ဆံ ချွေတာတဲ့အနေနဲ့ ထမင်းချိုင့် ယူတဲ့အတွက်) ၊ အလုပ်မှာ အလုပ်နဲ့ ပတ်သတ်တာပဲ ပြောပြီး ကင်းကင်းပဲ နေလိုက်တတ်ကြပါတယ်။ အလုပ်ပြင်ပမှာရောဆိုတော့ စင်္ကာပူနိုင်ငံမှာ တနေ့လုံး အင်္ဂလိပ်စကား မပြောပဲ နေလို့ရပါတယ်။ အမူအရာကို အသုံးပြုလို့ပေါ့။ ကန်တင်းလို နေရာမှာ ထမင်းစားတဲ့အခါ လက်ညှိုးထိုး ၀ယ်လို့ရနေတယ်။ ကုန်တိုက်ကြီးတွေ ဈေးဝယ်တဲ့အခါ စကားတခွန်းမှ ပြောစရာမလိုပါ ဘူး။ ကိုယ် လိုချင်တဲ့ ပစ္စည်းကို ခြင်းထဲကောက်ထည့်၊ ကောင်တာ ရောက်တော့ စာရေးမက ကွန်ပျူတာထဲ စာရင်းရိုက်ထည့်၊ ကုန်ကျတဲ့ ငွေပမာဏ (စကရင်မှာ ပေါ်နေတဲ့ အတိုင်း)ကို ပေးလိုက်ရင် ဈေးဝယ်ခြင်း အမှု ပြီးသွားတာမျိုးပါ။ အိမ်မှာရော.. ကျွန်မတို့တွေက မြန်မာ အချင်းချင်း စုငှားပြီးနေကြတာများပါတယ်။ ကိုယ့်အချင်းချင်း အင်္ဂလိပ်လို ပြောဖို့ဆိုတာကလဲ တော်တော်လေးကို အူကြောင်ကြောင် နိုင်တဲ့ အဖြစ်ပါ။အဲဒီတော့ ကျွန်မတို့ ဘာဖြစ်လာသလဲ။
စင်္ကာပူနိုင်ငံမှာ နှစ်ပေါင်းများစွာ နေခဲ့ပြီးပေမဲ့လဲ အင်္ဂလိပ်စာက တိုးတက်လာခြင်း မရှိပါဘူး။ကျွန်မတို့ ဘာလုပ်ကြမလဲ။အခုလို နေရင်လဲ အဆင်ပြေနေတာပဲဆိုတော့ အင်္ဂလိပ်စာ ဆက် လေ့လာဖို့ မလိုတော့ဘူးလား။
