မေမေ..
ဘယ်လိုမှ မယုံနိုင်ခဲ့ပါဘူးလေ.......အဲဒီနေ့က သတင်းကြားတဲ့ခန သမီးနှလုံးသွေးတွေ ရပ်တန့်ခဲ့တယ်။ သူတို့က ပြောကြတယ် မေမေ ဆုံးသွားပြီတဲ့။
မယုံချင်ပေမဲ့ လဲလျောင်းနေတဲ့ မေမေ့ရဲ့ မျက်နှာကို မြင်ရတဲ့ခန သမီးယုံကြည်ခဲ့ရတယ်။.......
မေမေ
အဝေးမသွားခင် သမီးကို တခု ပြောခဲ့ပေးပါ။ မေမေ မရှိတဲ့ ဘ၀မှာ သမီး ဘယ်လို ဆက်လက် ရပ်တည်ရမလဲ။ မေမေ့အတွက် သမီးအသက်ရှင်ခဲ့တယ်၊ ကြိုးစားခဲ့တယ်။ အခု မေမေ မရှိတော့တဲ့နောက် ဘယ်သူအတွက် သမီး ကြိုးစားရမလဲ။
မေမေ...
သမီး အကြိမ်များစွာ စိတ်ကူးယဉ်ခဲ့တယ်။ တနေ့.............သမီး ဒေါက်တာ ဘွဲ့ရတဲ့တနေ့ ..ဖေဖေ..မေမေတို့နဲ့ အတူ ပျော်ပျော်ရွှင်ရွှင်နေနိုင်ဖို့ အထပ်ထပ် အခါခါ ပြင်ဆင်ခဲ့တယ်။ ...တွေးခဲ့ဖူးတယ်...
မေမေ......
စာတွေဖတ်ရတာ ပင်ပန်းလာတဲ့အခါ...မေမေ့ မျက်နှာကို ပြေးမြင်ပြီး အားတင်ခဲ့ဖူးတယ်။မေမေ့ အားပေးသံတွေ ကြားမှာ စိတ်ရဲ့ အမောတွေ ဖြေခဲ့ဖူးတယ်...
မေမေ.......
ဟိုးအဝေးကို မရောက်ခင် ပြောခဲ့ပါအုန်း မေမေ...... မေမေ မရှိတဲ့ ဘ၀မှာ သမီး ဘယ်လို အသက်ရှင်ရမလဲ။
မေမေ.....
ဒေါက်တာဘွဲ့တခု ရဖို့ သမီး ပေးဆပ်လိုက်ရတာ တန်ရဲ့လား၊ ပြောခဲ့ပါအုန်း။ မေမေ....... သမီးရဲ့ ကြိုးစားမှုကို ဂုဏ်ယူပေးမဲ့ မေမေ မရှိတဲ့နောက် သမီး ဘယ်သူ့အတွက် ကြိုးစားရမှာလဲ ပြောခဲ့ပါအုန်း မေမေ..
No comments:
Post a Comment