NTU undergrad EEE- 2

Tutorial ခန်း ဘယ်လို ရွေးမလဲ။ ။

ကိုယ်တို့ ပထမနှစ်မှာ ကျောင်းစတက်တော့ Tutorial အခန်းတွေက ကျောင်းက ချထား ပေးပြီးသားပါ။ ဆိုလိုတာက ကိုယ့်မှာ ရွေးချယ်ခွင့် မရှိပါဘူး။ နောက်ဒုတိယနှစ်မှာတော့ အတန်းတွေကို ရွေးလို့ ရပါတယ်။ ကျောင်းသားတွေရဲ့ သဘာဝ အရ များသောအားဖြင့် မနက် အစော မထရမဲ့ Tutorial ချိန်တွေကို ကိုယ် ရွေးချယ်ခဲ့ပါတယ်.. ဒါပေမဲ့ အဲဒါ ကိုယ့်အတွက် အမှားကြီး တစ်ခုပါပဲ ဆိုတာ ကိုယ် တတိယနှစ်ရောက်မှ သိလာတယ်။ အမှန်တော့ Lecture ခန်းထဲမှာ သင်တဲ့ ဆရာတွေက အရမ်းကို ယေဘူယျ ဆန်ပါတယ်။ သိပ် ကောင်းတဲ့ ဆရာက လွဲရင် အလုံးစုံ နားလည်နိုင်ဖို့ ခက်ပါတယ်။ နောက် ဆရာ့ကို စာထွက်မေးဖို့ဆိုတာလဲ သိပ်မလွယ်ပါဘူး။ တကယ် ကိုယ့်ကို နားလည်အောင် ကူညီနိုင်တာက Tutorial ခန်းမှာပါ။ ကိုယ့်ရဲ့ Tutor က သိပ်ကောင်းမယ်ဆိုရင် အဲဒီ ဘာသာအတွက် မပင်ပန်းပဲ အလွယ်တကူ A ရနိုင်ပါတယ်။ အဲတော့ ဘာသာရပ် တွေအတွက် Registration လုပ်တဲ့ အချိန်မှာ အဲဒါကို ထည့်စဉ်းစားသင့်ပါတယ်။ NTU EEE မှာက ဆရာတွေ များပါတယ်။ ဒါပေမဲ့ စာရှင်းကောင်းတဲ့ ဆရာ နည်းပါတယ်။ ဆရာတွေက သူတို့ ပင်ကိုယ်အားဖြင့် တော်ပေမဲ့ ကျောင်းသားကို ရှင်းတဲ့နေရာမှာတော့ လည်နေတတ်ကြပါတယ်။ တစ်ခါတစ်လေကျ ကိုယ်လိုချင်တဲ့ Tutorial ခန်းကို မရခဲ့ဘူးဆိုရင် အဲဒီ Tutor ကို သွားပြောပြီး သူ့အချိန်ကို လိုက်တက်လို့ ရပါတယ်။ ဆရာက တော်ရုံနဲ့ မောင်းမထုတ်တတ်ပါဘူး။ ကိုယ့်ရဲ့ Tutorial ခန်းကိုလဲ သွားတက်ဖို့တော့ (ဒါကတော့ ကိုယ့် Tutor တစ်မျိုး မမြင်အောင်) လိုပါလိမ့်မယ်။ နောက် Tutorial ခန်းတွေကို သွားတဲ့နေရမှာလဲ ဖြစ်နိုင်ရင်တော့ ကြိုတင် ပြင်ဆင် သွားပါ။ ဒါမှ ဆရာက ရှင်းလိုက်တဲ့ အခါ ကိုယ့်အနေနဲ့ မသိတာကို တစ်ခါထဲ မှတ်လို့ရသလို ပိုပြီးလဲ မှတ်မိပါတယ်။ ကိုယ်တို့နှစ်က EEE မှာ အမှတ်အများဆုံးရသွားတဲ့ တရုတ်ကျောင်းသားရဲ့ လက်ထဲမှာ မှင်(၂) ချောင်း အမြဲပါပါတယ်။ ဆရာ တွက်ပြတဲ့ ပုံစံက သူနဲ့ မတူဘူးဆိုရင် အဲဒါကို မှင်နီနဲ့ လိုက်မှတ်ပါတယ်။ သူ ကြိုတွက်လာတာကတော့ မှင်ပြာနဲ့ပါ။ နောက်ပြီးတာနဲ့ ဆရာ့ကို ထမေးပါတယ်။ သူ့နည်းက ပိုကောင်းတာကို လဲ ကြုံခဲ့ဖူးပါတယ်။ နောက် တစ်ချို့ ပုံနှိပ်စာအုပ်တွေမှာ တွက်ထားတာတွေကိုလဲ သူက မှတ်လာတတ်ပါတယ်။ ကိုယ့်အနေနဲ့ သူတို့လောက် လုပ်နိုင်ဖို့ မလွယ်ကူပေမဲ့ ကြိုပြီး ပြင်ဆင်သွားတာက တကယ်ကို အကျိုးရှိပါတယ်။

စာမေးပွဲမှာ အမှတ်ကောင်းအောင် ဘယ်လို ပြင်ဆင်မလဲ..
စာမေးပွဲမှာ အမှတ်ကောင်းဖို့ဆိုတာ စာကို သိရုံမက စာမေးပွဲဖြေတတ်ဖို့လဲ အရေးကြီးပါတယ်။ ကိုယ်က စာမေးပွဲကို မဖြေတတ်တဲ့ ကျောင်းသားတွေထဲမှာ ပါပါတယ်။ စာကို ပိုင်ပိုင်နိုင်နိုင် ကျက်နိုင်မှ ကိုယ်လိုချင်တဲ့ အဆင့်ကို ရမယ်လို့ သိတဲ့ ခပ်ညံ့ညံ့ ကျောင်းသားတစ်ယောက်ပါ။ ဒါပေမဲ့ ကိုယ် အတန်းကြီးလာတဲ့ အချိန် (ကံကောင်း ထောက်မစွာ) ကိုယ်တို့ မေဂျာရဲ့ အတော်ဆုံးကျောင်းသားတွေနဲ့ ခင်မင်ခွင့်ရလာတော့ သူတို့ ပြောပြခဲ့တဲ့ နည်းလမ်းလေးတွေပါ။ သူတို့ အဆိုအရ ဘာသာတစ်ခုရဲ့ Coordinator က ဘယ်သူလဲဆိုတာ သိဖို့ လိုပါတယ်တဲ့။ များသောအားဖြင့် lecture notes တွေ ဝေတဲ့အချိန်မှာ သိနိုင်ပါတယ်။ အဲလို သိထားပြီးရင် ဒီဆရာရဲ့ စိတ်နေ သဘောထားကို အကြမ်းဖျင်း ခန့်မှန်းနိုင်ဖို့ လိုပါတယ်။ တစ်ချို့ဆရာက မေးခွန်းဟောင်းကို အားထားပါတယ်။ မေးခွန်းဟောင်းနဲ့ ပုံစံတူတွေထဲကပဲ မေးတာပါ။ တစ်ချို့ဆရာကတော့ သင်္ချာကို အားသန် ပါတယ်။ အင်ဂျင်နီယာ မေးခွန်းကို သင်္ချာသက်သေပြချက်တွေနဲ့ မေးတတ်တဲ့ဆရာတွေ EEE မှာ ရှိပါတယ်။ နံမည်လဲ ကြီးပါတယ်။ ကိုယ်တို့တုန်းက ရှေ့က စီနီယာတွေကို ဒါတွေ မေးရကောင်းမှန်း မသိခဲ့ပါဘူး။ တရုတ် ကျောင်းသားတွေမှာတော့ အချင်းချင်း အဲလို သတင်းပေးကြတဲ့ ဖိုရမ် ရှိပါတယ်လို့ သူငယ်ချင်းက ပြောတယ်။ မြန်မာကျောင်းသားတွေမှာတော့ အဲဒါမျိုး ရှိတယ်လို့ မကြားမိသေးပါဘူး။ သူတို့ဆိုရင် ဆရာ နံမည်တွေနဲ့ တိုက်ရိုက် ပြောကြတာပါတဲ့။ အဲတော့ ဖြစ်နိုင်မယ်ဆိုရင် ကိုယ်ယူတဲ့ ဘာသာရဲ့ ဆရာတွေကို သတိထားမိ အောင် ကြိုးစားပါ။

project ဘယ်လို လုပ်ကြမလဲ။
ဒါကတော့ တတိယနှစ်လောက်မှာ စကြုံရတာပါ။တစ်ချို့ကျောင်းသားတွေက project လုပ်တဲ့ နေရာမှာ အရမ်း အားသွန်ကြပါတယ်။ ကိုယ်တိုင်လဲ အဲလိုပဲ ခံယူပြီး အပြင်းအထန် လုပ်ခဲ့ဖူးပါတယ်။ဒါပေမဲ့ တစ်ချို့တွေက ခိုးချ တယ်၊ ပုံတူကူးချတယ်၊ ပြီးတော့ A ရပါတယ်။ ကိုယ်တွေက အသေလုပ်ပြီး B လောက်ပဲ ရခဲ့တုန်းက ငါက တကယ် တတ်တာပဲလို့ ဖြေတွေးပြီး ကျေနပ်ခဲ့ရပါတယ်။ မှားတယ်၊ မှန်တယ် မပြောလိုပါဘူး။

ဒါပေမဲ့ ကိုယ် အတန်းကြီးလာတော့ သိပ်ရင်းနှီးသွားတဲ့ ဆရာ့ကို မေးကြည့်ပါတယ်။project လုပ်တဲ့ နေရာမှာ ကျောင်းသားတွေ ခိုးချတာကို ဆရာ သိပါသလားဆိုတော့ ဆရာက သိပါတယ်တဲ့။ အဲဒါဆို ဘာလို့ A ပေးတာ လဲ ဆိုတော့ ဆရာက ဒီလို ပြောပြပါတယ်။ Engineer ဆိုတာ ဘီး အသစ်ကနေ စတင် တီထွင်သူတွေ မဟုတ်ပါဘူးတဲ့။ လက်ရှိ ရှိနေတဲ့အရာတွေကနေ ဒီထက် ကောင်းမွန်အောင် ပြုပြင်ရမှာ၊ အသစ်တွေကို တီထွင် ရမဲ့လူတွေပါတဲ့။ သူတို့ အနေနဲ့ နှစ်ပေါင်းများစွာ ပေးလာခဲ့တဲ့ Assignment တွေအနေနဲ့ ရှေ့က လုပ်ထားခဲ့ သူတွေဆီက ကူးချလို့ရတယ်ဆိုတာ သိပါတယ်တဲ့။ သူတို့ဖြစ်စေချင်တာက အရှေ့က လုပ်ခဲ့တဲ့ အရာတွေကို ဘယ်လောက်နားလည်လဲ၊ အဲဒီကနေ ပိုကောင်းအောင် ဘယ်လိုလုပ်ပေးနိုင်သလဲဆိုတာကို ကြည့်ပါတယ်တဲ့။ ဒါပေမဲ့ အာကောင်းတဲ့ ကျောင်းသားဆိုရင်တော့လဲ သူတို့က နားလည်တယ်လို့ ယူဆပြီး A ပေးလိုက်ပေမဲ့ တကယ်မသိတာလဲ ရှိနိုင်ပါတယ်တဲ့။ ဒါက ဆရာ့ရဲ့ အဖြေပါ။ကိုယ်နားလည်သလို ခံယူပြီး အဖြေရှာနိုင်ပါတယ်။ ဧ သည် မလွဲ ခိုးချဖို့ တိုက်တွန်းတာ မဟုတ်ပါဘူး။ ဒါပေမဲ့ မှီငြမ်းလို့ရပါတယ်။ နောက် အင်တာနက်တွေ ရှိနေတာ ဘာလုပ်မှာလဲ။ ရှာလို့ရပါတယ်။ codeguru လို ၀က်ဒ်ဆိုဒ် မျိုးကို ရင်းနှီးနေဖို့ လိုပါတယ်။ကိုယ်တို့ တုန်းက ဒီအရာတွေကို သိလဲ မသိခဲ့ဘူး။ ဘယ်သူ့ကိုမှလဲ မမေးခဲ့ဖူးဘူး။ ကိုယ်မှန်တယ် ထင်တဲ့ အရာ ကို မျက်ကန်းလို လုပ်ခဲ့မိတယ်။ ကိုယ်တိုင် lab ခန်းတွေ ၀င်ရမှ ဒါတွေကို နားလည်လာတာပါ။

ဆရာနဲ့ ဆက်ဆံရေး (ဒါကတော့ နောက်ဆုံးနှစ်ကျောင်းသားတွေ အတွက် အဓိက အချက်ပါ)

Final year ကျောင်းသားတွေရဲ့ အစွမ်းအစတွေကို ဆရာတွေက MSc ကျောင်းသားတွေထက် အားထားပါ တယ်။ ဒါပေမဲ့ တွန်းလို့ရမယ်ထင်လို့ တွန်းကြတာမျိုးက ပိုပါတယ်။စာကိုလုပ်ရုံတင်မကဘူး ၊ ကိုယ် ကြိုးစား တယ်ဆိုတာ ဆရာ့ကိုပြဖို့လဲ လိုအပ်ပါတယ်။ အခန်းထဲမှာ တစ်ယောက်ထဲ လုပ်ချင်ရာ လုပ်နေတာ ဆရာက အလိုလိုနေရင်း မသိပါဘူး။ နောက် ဆရာနဲ့ ရန် မသတ်ပါနဲ့။ ဘာပဲဖြစ်ဖြစ် ဆရာက ဆရာပါပဲ။ ကိုယ်ဖြစ်ချင် တာကို ရအောင် ယူပါ။ ဒါပေမဲ့ သူတို့နဲ့ ရန်မသတ်ပါနဲ့။ နံရံကို ခေါင်းနဲ့ ဆောင့်ရင် ခေါင်းကွဲ သွားနိုင်ပါတယ်။ နောက် တစ်ချို့ဆရာတွေက စကားကို အစွန်းရောက် ပြောကြပါတယ်။ ကိုယ့်ရဲ့ project ကို အမှိုက်စလို့ ပြောလို့လဲ ၀မ်းမနည်းပါနဲ့။ စိတ်လဲ မဆိုးပါနဲ့။ သူတို့အမြင်မှာ ဒါဟာ အရမ်းညံ့နေနိုင်ပါတယ်။ ဒါပေမဲ့ အဲဒါ ဟာ ကိုယ်ညံ့လို့ မဟုတ်ပါဘူး။ ကိုယ့်ဆရာ ပြောဖူးတဲ့ စကားတစ်ခွန်း ရှိပါတယ်။ အရမ်းပူတဲ့ သံဘောလုံး တစ်လုံး လက်ထဲ ရောက်လာတယ် ဆိုပါတော့..ဘာလုပ်မလဲတဲ့.. လွှတ်ချလိုက်မှာပဲမှလားတဲ့.. အဲလိုပဲပေါ့တဲ့ သိပ်နာကျင်စရာကောင်းတယ် ထင်ရင် ခံစားမနေနဲ့၊ ပြန် ပစ်လို့ရရင် ပစ်လိုက်၊ မရရင် လွှတ်ချလိုက်တဲ့။ ဒီစကားက သိပ်မှန်ပါတယ်။ တကယ်တော့ ကိုယ်တို့တွေဟာ project တစ်ခုထဲကို လုပ်နေရတာ မဟုတ်ပါဘူး။ တခြား ဘာသာတွေကိုလဲ လုပ်ရပါသေးတယ်။ အဲတော့ ကိုယ့်စိတ်ကို ပေါ့ပေါ့ပါးပါး ထားတတ်ဖို့ လိုပါတယ်။

EEE က Civil တို့ Mech တို့နဲ့ စာရင် အပြိုင်အဆိုင် ပိုများတယ်လို့ပြောကြတယ်။ ဆရာတွေကြားမှာ ကျောင်းသားတွေကြားမှာ ပိုပြီး အပြိုင်အဆိုင်များတယ်လို့ ထင်ရတယ်။ တရုတ်ကျောင်းသား အရမ်းများပြီး စာလုပ်တဲ့လူလဲ များပါတယ်။ တစ်ချို့ ကျောင်းသားတွေက ပိတ်ရက်တွေမှာ အလုပ်မလုပ်ပဲ အိမ်မပြန်ပဲ စာကြိုလုပ်ကြတာပါ။ အဲတော့ ကိုယ်တိုင်လဲ စာလုပ်ဖို့တော့ လိုပါတယ်။ ဒါပေမဲ့ အလကားရတဲ့ ညစာ ဆိုတာ ဘယ်နေရမှာမှ မရှိပါဘူး။ ကြိုးစားရုံတင် မဟုတ်ပဲ ပါးပါးနပ်နပ် နေတတ်မယ်ဆိုရင် ကိုယ်လိုချင်တဲ့ အဆင့်ကို လွယ်လွယ်ကူကူပဲ ရနိုင်ပါတယ်။ အပေါ်က အချက်တွေကို အသုံးပြုရင် အဆင့်ကောင်းမယ်လို့ ဆိုလိုတာ မဟုတ်ပါဘူး။ ဒါပေမဲ့ လှေကားထစ်လေးတွေ ဖြစ်နိုင်ပါတယ်။ စာဆိုတာ လုပ်ရုံနဲ့လဲ မရပါဘူး။ ဆရာတွေနဲ့ ကျောင်းရဲ့ အနေအထားကိုလဲ မှန်မှန်ကန်ကန် မြင်နိုင်မယ်ဆိုရင် စာလုပ်ရတာ ပိုပြီး သက်တောင့် သက်သာ ရှိနိုင်ပါတယ်။