လက်ထဲက ပတ်စ်ပို့လေးကို ဖွင့်မကြည့်နိုင်လောက်အောင် သူမလက်တွေ အေးစက်နေတယ်။ ဒူးတွေရဲ့ တုန်ခါမှုကို ထိန်းချုပ်နိုင်ဖို့ ထိုင်ခုံမှာ ၀င်ထိုင်လိုက်ရတော့ ကောင်တာက ၀န်ထမ်းက သူမကို ပြုံးကြည့်နေ တယ်။ ခုန်နေတဲ့ ရင်ကို အသာထိန်းရင်း ပတ်စ်ပို့ကို ဖွင့်ကြည့်လိုက်တော့ အိုကေ တဲ့။ သူမ ပျော်သွားသလို တချိန်တည်းမှာ စိုးရိမ်မိနေတာ ဘာလို့တဲ့။
သူမ မျှော်တလင့်လင့် စောင့်စားခဲ့ရတဲ့ အချိန်ကိုဝမ်းသာမှု တစ်ခုထဲနဲ့တော့ မကြိုဆိုမိတာ ဘာကြောင့်လဲ။ စိန်ခေါ်ပွဲကို ရင်ဆိုင်နိုင်ဖို့ အားအင်တွေကို ကြိုတင်ပြင်ဆင်လာပေမဲ့ တကယ်ရင်ဆိုင်ရချိန်မှာ တုန်လှုပ်နေ သေးတာ ဘာလို့လဲ။ မမျှော်လင့်တဲ့ တိုက်ခိုက်မှုတွေကို ကြုံတွေ့ရတာက ခနခန ဖြစ်နေတော့လဲ ၀မ်းသာစရာ ကြုံရင်တောင် လွတ်လွတ်လပ်လပ် မပျော်ဝင့်တော့ဘူး။
No comments:
Post a Comment