ကိုယ်နဲ့ မဆိုင်တဲ့ နေရာတစ်ခုမှာ ထိုင်နေရတဲ့အခါ အမြဲမသိုးမသန့်ဖြစ်မိတယ်။ မထိုင်ဘဲကလဲ မနေနိုင် မျက်လုံးတွေက တောင်ကြည့် မြောက်ကြည့်နဲ့။ ကဲဘာဖြစ်ဖြစ်ဆိုပြီး မျက်လုံးမှိတ်လိုက်ပြန်တော့လဲ စိတ်က အနားမရဘူး။ ရင်ထဲက တဒိန်းဒိန်းနဲ့ ကြောက်တတ်တာက.......
ဟော ကိုယ်က ပွဲကြည့်ပရိသတ်ဖြစ်တဲ့အခါကျတော့ သူများက အဲနေရာမှာ ခန့်ခန့်ကြီးထိုင်နေပြီး ထိုင်ခုံ ပိုင်ရှင် ကိုတော့ နေရာမပေးတဲ့အခါကျ မြင်ရတာ မျက်လုံးထဲမှာ ကန့်လန့်ဖြစ်..ထိုင်နေတဲ့ လူကိုလဲ နေရာ ဖယ်ပေးဖို့ မပြောရဲ၊ ပိုင်ရှင်ကိုလဲ အားနာ သနား..
MRT စီးတိုင်း ကိုယ့်ကိုယ်ကို အားမရတဲ့ စိတ်တွေဖြစ်တာ ကြာပြီ။ သူငယ်ချင်း တစ်ယောက်ကတော့ ခပ်တည်တည်ပဲ အဲလို ထိုင်နေတဲ့လူတွေကို သွားပြောတတ်တယ်။ ကိုယ်ကသာ ကြားထဲက မျက်နှာတွေပူ၊ ခြေဖျားလက်ဖျားတွေအေးနဲ့ ဘာလုပ်ရမှန်းမသိဘူး။ ဒါပေမဲ့ ဥပက္ခာ ပြုနိုင်လားဆိုတော့လဲ မဟုတ်ပြန်ဘူး။ ကြည့်ပြီး ပွစိပွစိ လုပ်နေမိတတ်တယ်။ တော်တော် မကောင်းတဲ့ စိတ်...
ထိုင်ခုံလေးရလို့ ထိုင်မိပြန်တော့လဲ စိတ်က မအေးဘူး။ လူကြီးတွေများတတ်လာမလား၊ ကိုယ်ဝန်သည်တွေများ ဖြစ်နေမလားနဲ့ စိတ်က ဘယ်တော့မှ အနားမရဘူး။ အဲဒါဆိုလဲ လုံးဝမထိုင်ဘဲ နေပါ့လားဆိုတော့လဲ လွတ်နေတာ တွေ့ရင် ၀င်ထိုင်မိပြန်ရော။ မွေးရာပါ ကြောက်တတ်တာလား...ဒါမှမဟုတ် အားနာတတ်တာလား။ ဘာမှန်းကို မသိတော့ဘူး..ကောင်းတော့ မကောင်းတာ အမှန်ပဲ။
No comments:
Post a Comment