ဒီအရာ သုံးခုကို ညီမျှအောင် မလုပ်နိုင်သရွေ့တော့ စိတ်ဆင်းရဲ နေရမှာပဲ။
ခုချိန်မှာ ဖြစ်ချင်နေတာက အမေ့ကို အသက်ရှင်ရက် မြင်ချင်တယ်....
ဖြစ်နေတာက အမေက ဆုံးသွားခဲ့ပြီးပြီ.....
ဖြစ်သင့်တာက ကိုယ့် ပို စာကြိုးစားသင့်တယ်....
လုပ်သင့်တာကို လုပ်ပြီး ပျော်နိုင်အောင် ကြိုးစားပါ....
ညက ကျောပိုးအိတ် အလေးကြီးကို လွယ်ပြီး တောင်ကုန်းတစ်ခုပေါ်ကို ခက်ခက်ခဲခဲ တက်နေရတယ်လို့ အိမ်မက်မက်တယ်။ ။ ဘ၀မှာလဲ စိတ်မချမ်းမြေ့မှု ကျောပိုးအိတ်ကြီးကို လွယ်ပြီး တောင်ပေါ်တက်နေခဲ့တာ ဘယ်လောက်ကြာပြီလဲ။ အားလုံးကို ခါချပြီး ပေါ့ပေ့ါပါးပါး တက်နိုင်ဖို့ ကြိုးစားတော့မယ်...
ဖြစ်ချင်တဲ့ လူတစ်ယောက် --- လက်တွေ့ကျကျ၊ ဇွဲရှိရှိ၊ အမှီအခိုကင်းကင်း ၊ စည်းကမ်းတကျ ဖြစ်သူ။ ပေါင်းသင်းရေး ကောင်းမွန်၊ ပြောသူထက် နားထောင်ကောင်းသူ ။ စိတ်ခိုင်မာသူ၊ ရည်မှန်းချက် ကြီးမားသူ။ မျှမျှတတ တွေးခေါ်တတ်သူ။
ဖြစ်နေတဲ့ လူတစ်ယောက်-- လက်တွေ့ကျတဲ့အခါ ကျပြီး တစ်ခါတစ်ရံ စိတ်ကူးယဉ်တတ်သူ။ ဇွဲရှိတဲ့ အခါ ရှိပြီး ပျင်းတဲ့အခါ ပျင်းတတ်လွန်းသူ။ စည်းကမ်းမကျတကျ။ စိတ်မခိုင်တခိုင်။ ရည်မှန်းချက် ကြီးမားသလောက် လက်တွေ့ အကောင်အထည်ဖော်တဲ့ နေရာမှာ နှေးကွေးပျင်းရိသူ။ ပေါင်းသင်းရေး ညံ့သူ။ စကားပြောရတာကို နှစ်ခြိုက်သူ။ နားထောင်သူ အရည်အချင်း လုံးဝမရှိသူ။
အဲဒီ အနီရောင် မျဉ်းသားထားတဲ့ အချက်တွေကို ဖယ်ရှားနိုင်ဖို့ ကြိုးစားနေရင်းက ထပ်ခါထပ်ခါ ကျူးလွန် နေမိတယ်။ အကျင့်ဆိုတာ ပြင်လို့ ရပါတယ်။ ပျက်အစဉ် ပြင်ခဏတဲ့ ။ ပြင်ပါ၊ ကြိုးစားပါ။
No comments:
Post a Comment