စင်္ကာပူမှာ မြန်မာတွေ တနေ့တခြား များလာလိုက်တာ အပြင်ထွက်ရင် ခလုတ်တိုက်တယ် ပြောရမတတ်ပါပဲ။ တဖြည်ဖြည်း မြန်မာတွေ များလာတာနဲ့ အမျှ လူဆိုး လူကောင်း အစုံပါလာတာလဲ တကယ်တော့ သိပ်မဆန်း ပါဘူး။
စကပ်တိုတိုလေးတွေ ၀တ်ထားတဲ့ မိန်းကလေးတွေကို ဓါတ်ပုံလိုက်ရိုက်လို့ ထောင်ကျတဲ့ မြန်မာ၊ credit card လို့ ခေါ်တဲ့ အကြွေး ၀ယ်တဲ့ ကဒ်တွေကို ခိုးပြီး ဈေးလျှောက်ဝယ်တဲ့ မြန်မာ စသည်ဖြင့် သတင်းထဲမှာ ပါလာတဲ့အခါ ပါလာတတ်ပြီ။အဲလို သတင်းတွေ ဖတ်ရတဲ့ အခါ ကိုယ့်လူမျိုးအတွက် နာကျင် အရှက်ရသလို အချစ်အတွက် ကိုယ့်ကိုယ်ကို သတ်သေသွားတဲ့ မြန်မာ မိန်းကလေးရဲ့ သတင်းကို ဖတ်ရတဲ့အခါ အားမရ စိတ်နဲ့ နာကျင်ရတယ်။ အကြောင်းအမျိုးမျိုးနဲ့ တိုက်ပေါ်က ခုန်ချ သက်သေတဲ့ အိမ်ဖော် မိန်းကလေးတွေထဲ မှာ မြန်မာတချို့ ပါလာတာကိုလဲ ၀မ်းနည်းစွာနဲ့ လက်ခံတတ်လာပြီ။
တကယ်တော့ မြန်မာတွေက မညံ့ကြပါဘူး။ အလုပ်ခွင်မှာ ထူးချွန်တဲ့ မြန်မာတွေ အများကြီး ရှိသလို ယေဘူယျ အားဖြင့် ပြောရမယ်ဆိုရင် မြန်မာအလုပ်သမားတွေဟာ နံမည်ကောင်း ရသူတွေပါ။ ဒါပေမဲ့ ၀မ်းနည်းစရာ တခုက ဆိုးသွမ်းတဲ့ မြန်မာတွေရဲ့ အကြောင်းဟာ စင်္ကာပူ သတင်းစာတွေမှာ နေရာရလာပေမဲ့ တော်ပြီး ထူးချွန်တဲ့ မြန်မာတွေရဲ့ နံမည်ကတော့ စင်္ကာပူ သတင်းစာတွေမှာ မသင်းပျံ့နိုင်သေးပါဘူး။
လူမျိုးတခုမှာ ထူးချွန်တဲ့၊တော်တဲ့လူ ရှိသလို ညံ့တဲ့လူ၊ ယုတ်မာတဲ့လူလဲ ရှိတယ်ဆိုပေမဲ့ မကောင်းတဲ့ မြန်မာတွေ ရဲ့ အကြောင်းဟာ သတင်းစာမှာ ခနခန ပါလာတတ်တဲ့အခါ မြန်မာတွေက မကောင်းဘူးဆိုတဲ့ အမြင်တခု အခြားလူမျိုးတွေရဲ့ ရင်ထဲကို ရောက်သွားမှာတော့ ထိတ်လန့်မိပါတယ်။
