ဒီနေ့ ဒေါက်တာ အွိုင်းရဲ့ ရုတ်တရက် သတ်သေခြင်းနဲ့ ပတ်သတ်လို့ တရားဝင်ကြေငြာချက် ထုတ်ပြန်တယ်။ သူ့ရဲ့ အလုပ်ခွင်မှာမပျော်ရွှင်ခြင်းကို အထက်လူကြီးများက သတိထားမိလို့ တာဝန်ပြောင်းပေးဖို့ ကမ်းလှမ်းခဲ့ ကြောင်း၊ သူက မတုန့်ပြန်ခဲ့တာ ဖြစ်ကြောင်း သတင်း ထုတ်ပြန်ကြေငြာတယ်။ ဘာတာဝန်ကို ပြောင်းပေးခဲ့ တယ်ဆိုတာ မကြေငြာခဲ့ဘူး။ အခုလို ကြေငြာခဲ့တာတောင်မှ ဒေါက်တာအွိုင်း ထားရစ်ခဲ့တဲ့ အီးမေးလ်ကြောင့်ပဲ ဖြစ်လိမ့်မယ်။ အင်တာနက်မှာ ပြန့်နှံ့နေမှုကို ထိန်းချုပ်နိုင်ဖို့ အခုလို တရားဝင် စာထုတ်လိုက်ရတယ်လို့ပဲ ယူဆရမှာပဲ။ ဘာပဲဖြစ်ဖြစ် သူ့ရဲ့ သတ်သေမှုဟာ ဂိမ်းတွေ၊ ရည်းစားသနာ ကိစ္စတွေကြောင့် မဟုတ်ပဲ အလုပ် ကြောင့်ဆိုတာကို မီးမောင်းထိုးပြခဲ့တဲ့ သူ့ရဲ့ အီးမေးလ် ကို ကျေးဇူးတင်ရမယ်။ သူ့ရဲ့ အီးမေးလ်ရယ် ၊ ဒီနေ့ ထုတ်ပြန်ကြေငြာချက်ရယ် အရ သူဟာ သင်ကြားလာခဲ့တဲ့ ဆရာဝန် အလုပ်ဆိုတာထက် ဆောင်းပါး ရေးခြင်း၊ ပေပါ ရေးခြင်းတွေကိုပဲ လုပ်နေခဲ့ရမယ်လို့ ယူဆနိုင်တယ်။ ဆရာဝန်တစ်ယောက် ဖြစ်ပါလျက်နဲ့ ဆေးကုခြင်း ထက် စာရွက်စာတမ်းကိစ္စဆိုင်ရာတွေကို လုပ်နေရခြင်းအပေါ်မှာ သူငြီးငွေ့နေခဲ့တယ်လို့ ယူဆနိုင်တယ်။ အုပ်ချုပ်မှုဆိုင်ရာ လုပ်ငန်းတွေကို လုပ်ခဲ့ရတာ မဖြစ်နိုင်ဘူး၊ လုပ်ခဲ့ရတယ်ဆိုရင်တောင် အရေးပါတဲ့ ဆုံးဖြတ် ချက်တွေကို ချခွင့်မရှိတဲ့ သာမာန်ဝန်ထမ်းလုပ်ငန်းတွေကိုပဲ လုပ်ခဲ့ရတယ်လို့ ယူဆရတယ်။ တကယ်တော့Research လောကမှာလဲ ဆောင်းပါးတွေအတွက်ပဲ အားတင်းနေကြတယ်။ဆောင်းပါးရေးတတ်တာနဲ့ လူ့အဖွဲ့ အစည်းကို အကျိုးပြုနိုင်တာက တိုက်ရိုက် ဆက်သွယ်နေသလား ကိုယ် မသိဘူး။ တခါတလေ လက်ခံပေးနိုင် သလိုလို တခါတလေလဲ စိတ်ပျက်မိတာ အမှန်ပဲ။
No comments:
Post a Comment