သူငယ်ချင်းတစ်ယောက်က စင်္ကာပူက အလုပ်ပွဲစား လူလိမ်တွေအကြောင်းကို မေးလ်ပို့လာတယ်။ မှန် မမှန် မသိပေမဲ့ မှန်ဖို့ ၉၀ ရာနှုန်းရှိမယ်ဆိုတာ သိနေသလိုပဲ။ စလုံး လူမျိုး လူလိမ်တွေအပေါ် ဘာမှ မဖြစ်ပေမဲ့ မြန်မာ လူမျိုး အချင်းချင်း လှည့်ပတ်တာကိုတော့ စိတ်မကောင်း ဖြစ်မိတယ်။
စင်္ကာပူနိုင်ငံမှာ စီးပွားရေးကျနေတာတော့ အမှန်ပဲ။ ဒီနိုင်ငံတင် မဟုတ်ပါဘူး။ ကမ္ဘာနဲ့ တ၀ှမ်း ဖြစ်ပျက်နေတဲ့ ကိစ္စတွေပဲ။ ဒါပေမဲ့ ဒီနိုင်ငံက သေးတော့ ဂယက်ရိုက်တာ ပိုခံရတာပေါ့။စင်္ကာပူ အစိုးရအနေနဲ့လဲ အကောင်း ဆုံး ဖြစ်ဖို့တော့ ကြားကန် ကြိုးစားနေတာပါပဲ။ ကိုယ်ကြားမိတဲ့ သတင်းအချို့အရတော့ စင်္ကာပူနိုင်ငံ NTU နဲ့ NUS က ကျောင်းပြီးတဲ့ လူငယ်တွေကို အလုပ်ခံဖို့ အစိုးရက ငွေကြေးပံ့ပိုးမှုတွေကို လုပ်နေပါတယ်။ စလုံးနဲ့ နိုင်ငံခြားသား ယှဉ်လာရင်တော့ စလုံးကို ဦးစားပေးခံထားဖို့ တိုက်တွန်းနေတယ်ဆိုတာလဲ အမှန်ပါပဲ။ ဒါမှလဲ သူ့နိုင်ငံသားကို ကာကွယ်ရာ ရောက်မှာပေါ့။ နိုင်ငံခြားသားတွေမှာက ပြန်ပြေးစရာ မြေရှိပေမဲ့ စလုံးတွေ အဖို့ ဘယ်သွားပြေးရမလဲ။
အခုအချိန်မှာ အကြောင်းကြောင်းနဲ့ အလုပ် ပြုတ်သွားခဲ့ရင် နောက်တစ်ခု ရဖို့တော့ လွယ်မှာ မဟုတ်ဘူး။ ဒါကြောင့် လက်ရှိအလုပ်အပေါ်မှာ ကြိုက်သည်ဖြစ်စေ မကြိုက် သည် ဖြစ်စေ ခနတော့ ခိုထားဖို့ လိုလိမ့်မယ်။ တစ်ခုရှိတာက သိပ်မကြောက်ဖို့တော့ လိုလိမ့်မယ်။ ကိုယ့်ရဲ့ ကိုယ်ပိုင် အရည်အချင်းကို ယုံကြည်တယ်ဆိုရင် အထက်လူကြီးတွေကို သိပ်ကြောက်မပြပါနဲ့။ ကိုယ့် အတွေ့အကြုံအရ ဒီနိုင်ငံက လူကြီးတွေက သိပ်ကြောက် နေတယ်ဆိုရင် ပိုအနိုင်ကျင့်တယ်။ သူတို့က အသေးအဖွဲလေးတွေကအစ အတွန့်တက်တာကို အကျင့်ပါနေ တော့ ဘာမှ အတွန့်မတက်ပဲ ခိုင်းသမျှ နွားလို ရုန်းနေရင် အဲဒီလူကို အထင်သေးတယ်။ နှိမ်ချင်တယ်။ ကိုယ့်ရဲ့ အစွမ်းအစကို ရိုင်းပြမှု မရှိပဲ ဖွင့်လှစ်ပြဖို့တော့ လိုလိမ့်မယ်။ ကိုယ်တို့သူငယ်ချင်း အချင်းချင်းတော့ ကိုယ့်ကိုယ် ကို ရောင်းစားရ မဲ့ အချက်လေးတွေ ရှာထားလို့ နောက်လေ့ရှိကြတယ်။ တကယ်တော့ အဲဒါ အမှန်ပဲ။ ကိုယ် တော်ကြောင်း တတ်ကြောင်းကို မသိမသာ ပြထားနိုင်မှ ဒီမှာ နေရတာ အဆင်ပြေ ချောမွေ့ပါတယ်။ ဘ၀င် လေဟပ် ပြဖို့ မဟုတ်ပါဘူး။ ရိုကျိုးပြတာ မြန်မာပြည်မှာ အလုပ်ဖြစ်ကောင်း ဖြစ်ပေမဲ့ ဒီမှာတော့ အလုပ် မဖြစ် နိုင်ဘူးထင်တာပဲ။ မြန်မာတွေမှာက လေးစားတာနဲ့ ရိုကျိုးတာ၊ နှိမ့်ချတာနဲ့ ယုံကြည်မှု မရှိတာ နဲနဲတော့ ရော ထွေးနေသလိုပဲ။ ကိုယ့်ဘက်က လေးစားပြဖို့ လိုပေမဲ့ ရိုကျိုးပြဖို့တော့ မလိုဘူးလို့ ကိုယ်ကတော့ ထင်တယ်။ အဲလိုပဲ ကိုယ်က ကိုယ့်ကိုယ်ကို နှိမ့်ချပြတဲ့အခါ တဘက်က ယုံကြည်မှု မရှိရဘူးလို့ ထင်သွားတတ်တယ်။
No comments:
Post a Comment