မနေ့တုန်းက coffee bean မှာ သူငယ်ချင်း(၃)ယောက် တော်တော်ကြာကြာ စကားထိုင်ပြောဖြစ်တယ်။ ဘာမှ မမှာပဲ သွားထိုင်နေကြတာ။ စားပွဲထိုးတွေကလဲ ဘာမှလာ မပြောကြဘူး။ အစကတော့ တစ်ခုခုမှာဖို့ စိတ်ကူးပေမဲ့ ဗိုက်လဲ မဆာတာနဲ့ မမှာဖြစ်ကြတော့ဘူး။ ပြောဖြစ်တဲ့ အကြောင်းကတော့ ထုံးစံအတိုင်း ကိုယ်တို့ဆီမှာ ဖြစ်ပျက်နေတဲ့ အခြေအနေတွေနဲ့ ပတ်သတ်လို့ပဲပေါ့။ ရင်ဘက်ခြင်းတူသွားတဲ့အခါ ဘာသာစကားတွေ၊ လူမျိုးတွေဆိုတာ အတားအဆီး မဟုတ်တော့ပါဘူး။
ကိုယ်တို့ (၃)ယောက်လုံးက ပဲများတဲ့ မိန်းမတွေကို မကြိုက်တာ၊ အိမ်ထောင်ရေးကို မကိုးကွယ်တာ (တစ်ယောက်က လက်ထပ်တော့မှာပေမဲ့ အိမ်ထောင်ရေးကို မကိုးကွယ်ဘူး)၊ လူကောင်း၊လူတော်ဖြစ်ချင်တာ (အဲတစ်ချိန်တည်းမှာပဲ) တော်တော်ချော်တဲ့ အလုပ်တွေကို လုပ်တတ်ကြတာ၊ နေရာတော်တော်များများမှာ တူကြတယ်။ တစ်ချို့နေရာတွေမှာ အသွင်မတူ တာတွေ ရှိနေပေမဲ့ ရင်ဘက်ချင်းတူနေတဲ့အတွက် ခုထိတော့ ပေါင်းသင်းရ အဆင်ပြေနေဆဲပဲ။
တစ်ခါတစ်လေကျတော့ တွေးမိတယ်။ မြန်မာသူငယ်ချင်းမိန်းကလေးတွေမှာတောင် ကိုယ်နဲ့ ရင်ဘက်ခြင်း တူတဲ့ မိန်းကလေး သိပ်မရှိတော့သလိုပဲ။ ကိုယ်ကပဲ ပြောင်းလဲလာတာလား။
No comments:
Post a Comment